Post News Media ព័ត៌មានអន្តរជាតិ លោកអូបាម៉ា នៅ...

លោកអូបាម៉ា នៅតែមានសន្ទុះប្រជាប្រិយភាពខ្លាំង បើទោះបីជាលោក នឹងត្រូវចាកចេញពីសេតវិមានក៏ដោយ

ចែកចាយបន្ត

អាមេរិក: ប្រធានាធិបតីជិតផុតអាណត្តិ លោកបារ៉ាក់ អូបាម៉ា នឹងចាកចេញពីសេតវិមាន នៅថ្ងៃសុក្រទី២០ ខែមករាខាងមុខនេះ ជាមួយប្រជាប្រិយភាពដ៏ខ្លាំង ក្រោយការចូលកាន់តំណែងរបស់លោក អស់រយ:ពេលប្រាំបីឆ្នាំកន្លងមក។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី១៨ ខែមករា ឆ្នាំ២០១៧។

ក្នុងការស្ទង់មតិ បានបង្ហាញតួលេខទាំងអស់ថា លោក អូបាម៉ានៅតែជាប្រធានាធិបតីប្រជាធិបតេយ្យ ដ៏មានប្រជាប្រិយភាពបំផុត ខណ:ដែលលោក នឹងត្រូវរៀបចំការផ្ទេរអំណាចទៅឲ្យគណបក្សសាធារណរដ្ឋ គឺលោក ដូណាល់ ត្រាំ ក៏ដោយ។

ការស្ទង់មតិចុងក្រោយបំផុត នៅថ្ងៃពុធនេះ ដោយទូរទស្សន៍ CNN / ORC បានបង្ហាញឲ្យឃើញថា ៦០ ភាគរយនៃជនជាតិអាមេរិក សម្តែងការគ្រាំទ្រ សម្រាប់ការងាររបស់លោកនៅក្នុងការិយាល័យកន្លងមក ដែលនេះជា ពិន្ទុល្អបំផុត ចាប់តាំងពីការកាន់តំណែងរបស់លោក នៅខែមិថុនាឆ្នាំ ២០០៩ ។

ចំពោះប្រជាប្រិយរបស់លោកនេះ គឺស្ថិតនៅក្នុងចំណោមចំណាត់ថ្នាក់ដ៏ខ្ពស់បំផុត សម្រាប់ប្រធានាធិបតីសហរដ្ឋអាមេរិក ដែលបានបញ្ចប់អាណត្តិរបស់ពួកគេ ដោយនៅលេខរៀងក្រោយ លោក Bill Clinton (៦៦ ភាគរយ នៅខែមករា ឆ្នាំ ២០០១) និងលោក Ronald Reagan (៦៤ ភាគរយ ក្នុងខែមករា ឆ្នាំ ១៩៨៩) ៕

ចែកចាយបន្ត