ហ្វីលីពីន: ប្រធានាធិបតីហ្វីលីពីនលោក Rodrigo Duterte បានចោទប្រកាន់សមាជិកព្រឹទ្ធសភា ហ្វីលីពីនម្នាក់ នៅក្នុងករណីស៊ើបអង្កេតរឿងបាញ់សម្លាប់យកលុយថ្នាំញៀនក្រៅប្រព័ន្ធតុលាការ នៃការទទួលយកសំណូកពីស្ដេចត្រាញ់គ្រឿងញៀន ដែលបានជាប់ពន្ធនាគារ ប៉ុន្តែនាងបានបដិសេធ ភ្លាមៗផងដែរ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី២៦ សីហា ឆ្នាំ២០១៦។

ព្រឹទ្ធសភាលោកស្រី Leila de Lima ដែលបានរិះគន់ខ្លាំងៗទៅលើការបាញ់សម្លាប់ ចេះតែមានការកើន ឡើងឥតឈប់ឈរ និងបានអំពាវនាវឱ្យមានការស៊ើបអង្កេតពីសមាជិកព្រឹទ្ធសភា ដោយបានអំពាវនាវដល់ លោក Duterte នៅក្នុងសន្និសីទកាសែតមួយថា «ឈប់ឆ្កួតឡប់ទៀតទៅ»។

បើយោងតាមតួលេខប៉ូលិស បានឲ្យដឹងថា មានមនុស្សជាង ២.០០០នាក់ ត្រូវបានសម្លាប់ នៅក្នុងសង្គ្រាម គ្រឿងញៀនរបស់លោក Duterte ចាប់តាំងពីលោកឡើងកាន់អំណាចក្នុងរយៈពេល ៧សប្តាហ៍មកហើយ។ ប៉ូលិសបាននិយាយថា ចំនួនអ្នកស្លាប់ប្រហែល ៣៦នាក់ក្នុងមួយថ្ងៃ គឺជាលទ្ធផលនៃការប្រឆាំងនឹង ការចាប់ខ្លួនឈ្មួញថ្នាំញៀន ឬក្រុមក្មេងទំនើង។

គួរបញ្ជាក់ដែរថា ក្រោយពីលោក Duterte បានឈ្នះការបោះឆ្នោត លោកបានអនុវត្តសន្យារបស់ខ្លួន ដោយ ប្រតិបត្តិការលុបបំបាត់គ្រឿងញៀន និងអ្នកជួញដូរយ៉ាងសកម្ម៕