កុងហ្គោៈ យ៉ាងហោចណាស់មនុស្ស ៥០ នាក់ ត្រូវបានសម្លាប់ នៅទីក្រុង Kinshasa ជារាជធានីនៃ សាធារណរដ្ឋប្រជាធិបតេយ្យកុងហ្គោ បន្ទាប់ពីមនុស្សរាប់ពាន់នាក់ ធ្វើការតវ៉ាប្រឆាំងនឹងប្រធានាធិបតី លោក Joseph Kabila បានប្រែក្លាយទៅជាអំពើហឹង្សា។ នេះបើយោងតាមរយៈ សារព័ត៌មាន RT ចេញផ្សាយនៅថ្ងៃទី២០ ខែកញ្ញា ឆ្នាំ២០១៦។

បាតុកម្មប្រឆាំងនឹងលោក Kabila បានកើតទ្បើងកាលពីថ្ងៃចន្ទ ដោយវត្តមានមនុស្សរាប់ពាន់នាក់បានចូលរួម ដែលបង្កឲ្យមានប៉ះទង្គិចគ្នាជាមួយកងកម្លាំងនគរបាល និងសន្តិសុខក្នុងរយៈពេលខ្លី បន្ទាប់ពីពួកគេ បានចាប់ផ្តើម។

អង្គការក្រៅរដ្ឋាភិបាល និងគណបក្សប្រឆាំង បានចោទប៉ូលិសប្រើឧស្ម័នបង្ហូរទឹកភ្នែក ដើម្បីបំបែកបាតុករ មុនពេលបើកការបាញ់ប្រហារជាមួយគ្រាប់កាំភ្លើងពិត ខណៈដែលស្ថានភាពការតវ៉ា កាន់តែខ្លាំងឡើង ដោយមានសកម្មភាពដុតរថយន្ត និងបង្កើតរបាំងនៅតាមផ្លូវ៕

https://youtu.be/_lIbUz30KpI