Post News Media ព័ត៌មានអន្តរជាតិ មនុស្ស ៣នាក់ ...

មនុស្ស ៣នាក់ ត្រូវស្លាប់ដោយសារព្យុះទីហ្វុង Chaba វាយប្រហារនៅកូរ៉េខាងត្បូង

ចែកចាយបន្ត

កូរ៉េ: យ៉ាងហោចណាស់មនុស្ស ៣ នាក់ បានស្លាប់ ដោយសារព្យុះទីហ្វុង ឈ្មោះ Chaba បានវាយប្រហារ នៅទីក្រុង Busan ប្រទេសកូរ៉េខាងត្បូងកាលពីថ្ងៃពុធ ហើយបើតាមក្រសួងសន្តិសុខសាធារណ: និងសុវត្ថិភាពបាននិយាយថា ចំនួនអ្នកស្លាប់នឹងកើនឡើង ខណ:ដែលព្យុះនេះ កំពុងឆ្ពោះដំណើរទៅកាន់ ប្រទេសជប៉ុន។ នេះបើយោងតាមរយ: សារព័ត៌មាន ibtimes ចុះផ្សាយនៅថ្ងៃទី០៦ ខែតុលា ឆ្នាំ២០១៦។

ព្យុះទីហ្វុងនេះ បានវាយប្រហារនៅខេត្ត Jeju ក្នុងរមណីយដ្ឋានកោះមួយ ជាមួយនឹងអំណាចភ្លៀង និងខ្យល់បក់យ៉ាងខ្លាំង ដែលកោះនោះ មានការពេញនិយមបំផុត សម្រាប់ភ្ញៀវទេសចរចិនទៅកម្សាន្ត។

ទីក្រុងធំពីររបស់កូរ៉េខាងត្បូង Busan, Ulsan និងទីក្រុងធំមួយចំនួនទៀត ត្រូវបានរងការវាយប្រហារ យ៉ាងខ្លាំងដោយសារព្យុះនេះ។

តាមរបាយការណ៍ បានឲ្យដឹងថា ជាង ២១០.០០០ គ្រួសារកំពុងរងផលប៉ះពាល់ ដោយអំណាចព្យុះនេះ និងជើងហោះហើរជាច្រើននៅក្នុងតំបន់ ត្រូវបានលុបចោលផងដែរ៕