Post News Media ព័ត៌មានអន្តរជាតិ រលំបាក់អគារនៅ...

រលំបាក់អគារនៅចិន មនុស្សស្លាប់កើនឡើងដល់ ២២ នាក់

ចែកចាយបន្ត

ចិន: ប្រភពពីអាជ្ញាធរ បានបញ្ជាក់ថា មនុស្ស ២២ នាក់ ត្រូវបានស្លាប់បន្ទាប់ពីអគារលំនៅដ្ឋាន បានដួលរលំ កាលពីព្រឹកថ្ងៃច័ន្ទ នៅទីក្រុង Wenzhou ក្នុងខេត្ត Zhejiang ភាគខាងកើតប្រទេសចិន។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១១ ខែតុលា ឆ្នាំ២០១៦។

គ្រោះមហន្តរាយនេះ បានកើតឡើងនៅឧស្សាហកម្ម Lucheng ក្នុងស្រុកមួយនៃទីក្រុង Wenzhou។ ក្រុមអ្នកជួយសង្គ្រោះ ប្រមាណ ៨០០ នាក់ បានបញ្ចប់ប្រតិបត្តិការស្វែងរកជនរងគ្រោះ នៅម៉ោងប្រហែល ១ ទៀបភ្លឺថ្ងៃអង្គារ បន្ទាប់ពីមនុស្ស ២៨នាក់ ត្រូវបានគេទាញចេញពីគំនរបាក់បែក។

ក្នុងចំណោមពួកគេ មានតែ៦ នាក់ប៉ុណ្ណោះ ដែលនៅរស់រានមានជីវិត និងត្រូវបានបញ្ជូនទៅកាន់មន្ទីរពេទ្យ។

គួរបញ្ជាក់ដែរថា មកទល់ពេលនេះ គេនៅមិនទាន់ដឹងពីមូលហេតុពិតប្រាកដនៃការបាក់អគារនោះទេ ដោយសាវាកំពុងស្ថិតនៅក្រោមការស៊ើបអង្កេត៕

death-toll-from-e-china-residential-building-collapse-rises-to-22