Post News Media ព័ត៌មានអន្តរជាតិ ថៃនឹងកាន់ទុក្...

ថៃនឹងកាន់ទុក្ខ ៣០ថ្ងៃ ក្នុងអំទ្បុងពេលតម្កល់សពព្រះមហាក្សត្រ

ចែកចាយបន្ត

ថៃ: តាមសេចក្ដីប្រកាសនាយករដ្ឋមន្ត្រីថៃ លោក ប្រាយុទ្ធ ច័ន្ទអូឆា បានឲ្យដឹងថា ប្រទេសថៃនឹងកាន់ទុក្ខ ៣០ថ្ងៃ ក្នុងអំទ្បុងពេលតម្កល់សពព្រះមហាក្សត្រ ដោយគិតចាប់ពីថ្ងៃទី ១៤ ទៅ។ នេះបើយោងតាមរយ: សារព័ត៌មានថៃ Thairath ចេញផ្សាយនៅមុននេះបន្តិច។

គេហទំព័រព្រះរាជកិច្ច បានចេញសេចក្ដីប្រកាសដោយនាយករដ្ឋមន្ដ្រី ស្ដីអំពីការកាន់ទុក្ខព្រះសព ព្រះមហាក្សត្រជីវិតតម្កល់លើត្បូងថៃ៖

១ . តម្រូវឲ្យស្ថាប័នរាជកិច្ច រដ្ឋវិសាហកិច្ច និងស្ថាប័នពាក់ព័ន្ធរដ្ឋាភិបាលទាំងអស់ ចាប់ផ្ដើមកាន់ទុក្ខព្រះសព ព្រះមហាក្សត្រជីវិតតម្កល់លើត្បូង ក្នុងរយ:វេលា ៣០ ថ្ងៃ ចាប់ពីថ្ងៃទី១៤ ខែតុលា ឆ្នាំ២០១៦ នេះតទៅ

២. តម្រូវឲ្យជួររដ្ឋាភិបាល និង បុគ្គលិករដ្ឋវិសាហកិច្ច ព្រមទាំង មន្ដ្រីរបស់រដ្ឋាភិបាលទាំងអស់ កំណត់បន្ដកាន់ទុក្ខព្រះសព ព្រះមហាក្សត្រជីវិតតម្កល់លើត្បូង រយ:ពេល ១ ឆ្នាំពេញ

ចំពោះប្រជានុរាស្ដ្រថៃគ្រប់រូប សូមបញ្ជាក់តម្រូវឲ្យពិចារណាកាន់ទុក្ខព្រះសព ព្រះមហាក្សត្រជីវិតតម្កល់លើត្បូងថៃ តាមសេចក្ដីប្រកាសនេះតទៅ ពីថ្ងៃទី ១៣ ខែតុលា ឆ្នាំ ២០១៦ ៕

photo_2016-10-13_20-50-44

_91896650_024233456afp