Post News Media ព័ត៌មានអន្តរជាតិ ISIS ប្រើមនោគ...

ISIS ប្រើមនោគមវិជ្ជាដាក់កុមារ ៤០០.០០០ នាក់ នៅទីក្រុង Mosul ដើម្បីក្លាយជាសកម្មប្រយុទ្ធ និងអនុវត្តការវាយប្រហារអត្តឃាត

ចែកចាយបន្ត

អ៊ីរ៉ាក់: តាមរបាយការណ៍មួយ របស់គណ:កម្មាធិជាន់ខ្ពស់សិទ្ធិមនុស្សនៅអ៊ីរ៉ាក់ បានឲ្យដឹងថា ភេរវករ ISIS បានប្រើមនោគមវិជ្ជាដាក់កុមាររាប់ពាន់នាក់ អស់រយ:ពេលពីរឆ្នាំមកហើយ ដើម្បីឲ្យពួកគេក្លាយជា សកម្មប្រយុទ្ធកាន់កាប់នៅទីក្រុង Mosul និងក៏ជាកំពែងការពារពួក ISIS ដ៏រឹងមាំ ក្នុងប្រទេសអ៊ីរ៉ាក់ផងដែរ។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៧ ខែវិច្ឆិកា ឆ្នាំ២០១៦។

ទីភ្នាក់ងារព័ត៌មានអ៊ីរ៉ាក់ បានរាយការណ៍ថា ភេរវករ បានកែប្រែកម្មវិធីសិក្សា សម្រាប់សិស្សនៅក្នុងសាលា អស់រយ:ពេលពីរឆ្នាំហើយ ដោយបានប្ដូរផ្នត់គំនិត និងបង្ខំឲ្យពួកកុមារស្អប់រាល់អ្នកដែលចង់បំផ្លាញររដ្ឋអ៊ីស្លាម និងជំរុញឲ្យពួកគេចូលរួមជាមួយ ISIS។

លោក Jawad al-Shamri នាយកគណ:កម្មាធិជាន់ខ្ពស់សិទ្ធិមនុស្សនៅអ៊ីរ៉ាក់ បាននិយាយថា ក្រុម ISIS (ISIL, IS, Daesh) បានជ្រៀតជ្រែក ក្នុងកម្មវិធីសិក្សារបស់កូនក្មេងជាច្រើននៅឯសាលា ដើម្បីគ្រប់គ្រងពួកគេ ដែលក្នុងនោះមានតួលេខកុមារប្រមាណជា ៤០០.០០០ នាក់។

ក្រុម ISIS បានបង្រៀនកុមារពីរបៀបដាក់ខ្សែក្រវាត់គ្រឿងផ្ទុះ ចាប់ស្ត្រីធ្វើជាចំណាប់ខ្មាំង និងរៀបចំគ្រាប់បែកបង្កៃជាដើម៕

isis-brainwashed-400000-kids-in-mosul-to-fight-carry-out-suicide-attacks