Post News Media ព័ត៌មានអន្តរជាតិ រលកនៃការបណ្តេ...

រលកនៃការបណ្តេញចេញពីការងារកើតឡើងជាថ្មី ពេលនេះតួកគីដេញមន្ត្រីរាជការស៊ីវិល ១៥.០០០នាក់ ចេញពីការងារ

ចែកចាយបន្ត

អ៉ីស្តង់ប៊ុល: រដ្ឋាភិបាលតួកគី នៅថ្ងៃអង្គារនេះ បានពង្រីកការបង្រ្កាបរបស់ខ្លួន ទៅលើគូប្រជែងផ្នែកនយោបាយ ដោយបានបណ្តេញមន្ត្រីរាជការស៊ីវិលចំនួន ១៥.០០០នាក់បន្ថែមទៀតចេញពីការងារ និងបានបិទអង្គការចំនួន ៣៧៥អង្គការ ក្នុងនោះមានប្រព័ន្ធផ្សព្វផ្សាយចំនួន ០៩ថែមទៀត។

យោងតាមសារព័ត៌មាន The News York Times ចេញផ្សាយនៅថ្ងៃទី២២ ខែវិច្ឆិកា ឆ្នាំ២០១៦ បានឲ្យដឹងថា មន្ត្រីរាជការសាធារណ:ចំនួនជាង ១០០.០០០នាក់ ក្នុងនោះមានទាំងមន្ត្រីប៉ូលិស គ្រូបង្រៀន ទាហាន និងមន្ត្រីផ្សេងទៀត ត្រូវបានរដ្ឋាភិបាលតួកគីដេញចោលជាស្ថាបពរហើយ ដោយការបណ្តេញចេញនេះ គឺជាអ្វីដែលតួកគីអះអាងថា ពួកគេបានជាប់ទាក់ទងនឹងរដ្ឋប្រហារកាលពីថ្ងៃទី១៥ខែកក្កដា និងជាប់ទាក់ទងនឹងភេរវករ។

សូមជំរាបផងដែរថា ការបណ្តេញមន្ត្រីរាជការស៊ីវិល ១៥.០០០នាក់ ចេញពីការងារនេះ បានធ្វើឡើងនៅព្រឹកថ្ងៃអង្គារនេះ បន្ទាប់ពីសភាអឺរ៉ុប គ្រោងនឹងពិភាក្សាដើម្បីផ្អាកដំណើរកិច្ចពិភាក្សាដើម្បីឲ្យតួកគីចូលរួមជាមួយសហភាពអឺរ៉ុបវិញ៕

23turkey1-master768