កូរ៉េៈ អតីតប្រធានាធិបតីកូរ៉េខាងត្បូង លោកស្រី ផាក គឹមហេ នឹងមិនចាកចេញពី កាលរិយាល័យរបស់ខ្លួនទេ នៅថ្ងៃសុក្រនេះ ហើយក៏មិនមានគម្រោងប្រកាសផ្លាស់ប្ដូរទៅទីតាំងណាដែរ។ នេះបើយោងតាមរយៈ សារព័ត៌មានចិនស៊ិនហួ ផ្សាយនៅថ្ងៃទី១០ ខែធ្នូ ឆ្នាំ២០១៧។

ប្រព័ន្ធផ្សព្វផ្សាយក្នុងស្រុក បានដកស្រង់សម្តីមន្ត្រីម្នាក់របស់វិមានប្រធានាធិបតី Blue House បានឲ្យដឹងថា អតីតប្រធានាធិបតី នឹងនៅតែស្នាក់នៅក្នុងការិយាល័យ ដែលជាផ្ទះសម្រាប់ប្រធានាធិបតីដដែរ ស្ថិតនៅភាគខាងត្បូងទីក្រុងសេអ៊ូល បើទោះបីត្រូវ​បានតុលាការធម្មនុញ្ញ​សម្រេចទម្លាក់ចេញពី​តំណែង នៅថ្ងៃសុក្រនេះក៏ដោយ។

ប្រភពពីមន្ត្រីបាននិយាយថា មកទល់ពេលនេះ គឺនៅមិនទាន់មានសាលក្រម និងទីតាំងណា ដែលត្រូវបានប្រកាសឲ្យលោកស្រី ផាក ចាកចេញពីកាលរិយាល័យនោះទេ។

សូមជំរាបថា នៅព្រឹកថ្ងៃនេះ តុលាការធម្មនុញ្ញកូរ៉េខាងត្បូង បានគាំទ្រដោយបោះឆ្នោតជាឯកច្ឆន្ទ ដើម្បីធ្វើការចោទប្រកាន់អតីតមេដឹកនាំ លោកស្រី ផាក ព្រមទាំងបានបណ្តេញចេញពីតំណែងផងដែរ។

ការសម្រេចរបស់តុលាការនេះ បានចូលជាធរមានភ្លាម បន្ទាប់ពីសេចក្តីប្រកាស។ ដោយទ្បែកការសម្រច របស់តុលាការនេះ គឺនៅមិនទាន់មានវិធានជាក់លាក់នោះទេ ពាក់ព័ន្ធនឹងពេលវេលាណា ដែលតម្រូវឲ្យលោកស្រី ផាក ចាកចេញពីវិមាន Blue House ក្រោយធ្វើការចោទប្រកាន់ប្រធានាធិបតីរួចនោះ៕