Post News Media ព័ត៌មានអន្តរជាតិ កាន់តែកក្រើកន...

កាន់តែកក្រើកនៅហ្វីលីពីន ខណ:លោក Duterte ចង់ប្រកាសដាក់ច្បាប់អាជ្ញាសឹក

ចែកចាយបន្ត

ហ្វីលពីន: ប្រធានាធិបតីលោក Rodrigo Duterte បានព្រមាននៅថ្ងៃព្រហស្បតិ៍ថា ខ្លួនអាចនឹងដាក់ច្បាប់អាជ្ញាសឹក រួមទាំងព្យួរការបោះឆ្នោតក្នុងស្រុករាប់ម៉ឺនកន្លែង ដែលបង្កឲ្យមានការព្រួយបារម្ភ អំពីលទ្ធិប្រជាធិបតេយ្យ ស្ថិតនៅក្រោមការគ្រប់គ្រងអំណាចរបស់លោក។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី ២៣ ខែមីនា ឆ្នាំ២០១៧។

លោក Duterte បាននិយាយថា ខ្លួននឹងពិចារណាលើវិធានពីរ ជាផ្នែកមួយនៃយុទ្ធនាការចម្រូងចម្រាសរបស់លោក ដើម្បីលុបបំបាត់គ្រឿងញៀនខុសច្បាប់ នៅក្នុងសង្គម និងមួយទៀត គឺច្បាប់ជ្ញាសឹក សម្រាប់ជួយដោះស្រាយ ការគំរាមកំហែងផ្នែកសុវត្ថិភាពផ្សេងៗទៀត។

ថ្លែងក្នុងសន្និសីទទៅកាន់អ្នកកាសែត បន្ទាប់ពីវិលត្រឡប់ពីដំណើរទស្សន:កិច្ចនៅប្រទេសថៃ លោក Duterte បានប្រាប់ថា « ប្រសិនបើខ្ញុំប្រកាសច្បាប់អាជ្ញាសឹកនេះ ខ្ញុំនឹងបញ្ចប់បញ្ហាទាំងអស់ មិនមែនគ្រាន់តែថ្នាំញៀន មួយមុខប៉ុណ្ណោះទេ»។

លោកបានបន្ថែមទៀតថា «ជាផ្នែកមួយនៃច្បាប់នេះ ខ្ញុំអាចបង្កើតតុលាការយោធា ដើម្បីប្រឆាំងនឹងករណីភេរវកម្ម ដោយនឹងអនុញ្ញាតឲ្យយោធា ចាត់ការអ្នក និងសម្លាប់អ្នក» ដែលន័យនេះ លោកចង់សំដៅទៅលើក្រុមសកម្មប្រយុទ្ធ រដ្ឋអ៊ីស្លាម នៅភាគខាងត្បូងប្រទេសនេះ។

គួរបញ្ជាក់ដែរថា ចាប់តាំងពីការឈ្នះការបោះឆ្នោតប្រធានាធិបតី កាលពីឆ្នាំមុន និងបានឡើងកាន់តំណែង អស់រយ:ពេល ០៩ខែកន្លងមក លោក Duterte តែងមានការប៉ះទង្គិចក្នុងការធ្វើសេចក្តីថ្លែងការណ៍ជាញឹកញាប់ ខណ:ដែលលោកមានគោលបំណង ដើម្បីប្រើប្រាស់ច្បាប់គ្រប់គ្រងយោធា ក្រោមអំណាចរបស់ខ្លួន៕

ចែកចាយបន្ត