Post News Media ព័ត៌មានអន្តរជាតិ ហ្វីលីពីន ប្រ...

ហ្វីលីពីន ប្រកាសមិនធ្វើសង្គ្រាមជាមួយចិន ខណ:លោក Duterte នឹងពិចារណាចែករំលែកធនធានសមុទ្រ

ចែកចាយបន្ត

ហ្វីលីពី: ប្រធានាធិបតីលោក Rodrigo Duterte បានឲ្យដឹងនៅថ្ងៃព្រហស្បតិ៍ថា លោកនឹងបើកចំហ សម្រាប់ការចែករំលែកធនធានទឹក ជាមួយរដ្ឋាភិបាលទីក្រុងប៉េកាំង នៅក្នុងដែនទឹកសមុទ្រ ចិនខាងត្បូង ជាចំណុចមួយ ដែលតុលាការអន្តរជាតិ បានផ្តល់សិទ្ធិផ្តាច់មុខដល់រដ្ឋាភិបាលក្រុងម៉ានីល។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃ២៤ ខែមីនា ឆ្នាំ២០១៧។

ចិនបានអះអាងថា ភាគច្រើននៃតំបន់សមុទ្រនេះ រួមទាំងដែនទឹកជិតឆ្នេរសមុទ្រប្រទេសហ្វីលីពីនជារបស់ខ្លួន បើទោះបីជាពាក្យបណ្តឹង កាលពីឆ្នាំមុន ត្រូវបានតុលាការអន្តរជាតិ គាំទ្រដោយអង្គការសហប្រជាជាតិ ប្រកាសកាត់ក្ដីឲ្យហ្វីលីពីនជាអ្នកឈ្នះក៏ដោយ។

យ៉ាងណាមិញលោក Duterte បាននិយាយថា ហ្វីលីពីនមិនអាចទាញយកធនធានធម្មជាតិ បានដោយខ្លួនឯងផ្ទាល់នោះទេ។

ដោយលោកប្រាប់មេធាវី នៅទីក្រុងម៉ាលីលថា «បើទោះជាខ្ញុំចង់ទាញយកអ្វីគ្រប់យ៉ាង ពីធនធានដែនទឹក កំពុងមានជម្លោះនោះក៏ដោយ តែយើងមិនមានដើមទុនគ្រប់គ្រាន់ទេ។ សូម្បីតែស្ថានីយ៍ខួង (ប្រេង) និងអ្វីគ្រប់យ៉ាង ដែលយើងមិនអាចមានលទ្ធភាពធ្វើវាបាន។ «ខ្ញុំនឹងពិចារណាចែករំលែកវា» ។

លោក Duterte បានប្រកាសម្តងហើយម្តងទៀត កាលពីថ្ងៃព្រហស្បតិ៍ថា លោកនឹងមិនធ្វើសង្រ្គាមជាមួយចិន ពាក់ព័ន្ធនឹងពាក្យបណ្តឹង នៅដែនទឹកកំពុងមានជម្លោះនោះទេ។

ខណ:ដែលអះអាងថា លោក និងប្រធានាធិបតីចិន លោក ស៊ីជីន ពីង បានយល់ព្រមគ្នា ក្នុងទីក្រុងប៉េកាំង កាលពីឆ្នាំមុនថា ពួកគេនឹងជំរុញឲ្យមានទំនាក់ទំនងពាណិជ្ជកម្មរួមគ្នា នៅដែនទឹកជម្លោះនោះ៕

ចែកចាយបន្ត