Post News Media ព័ត៌មានអន្តរជាតិ អង់គ្លេសចាកចេ...

អង់គ្លេសចាកចេញពីសហភាពអឺរ៉ុប ជាផ្លូវការហើយ

ចែកចាយបន្ត

អង់គ្លេស: នាយករដ្ឋមន្ត្រីលោកស្រី Theresa May នៅថ្ងៃពុធ បានបញ្ជាក់ថា ការចាកចេញរបស់អង់គ្លេសពីសហភាពអឺរ៉ុប (​Brexit) ត្រូវបានដំណើរការជាផ្លូវការហើយ បន្ទាប់ពីររយ:ពេល ៩ ខែ នៃការបោះឆ្នោតប្រជាមតិ ដោយលោកស្រីអះអាងថា អ្វីៗមិនអាចត្រឡប់ថយក្រោយវិញនោះទេ។ នេះបើតាមរយ:សារព័ត៌មាន BBC ចេញផ្សាយនៅថ្ងៃទី៣០ ខែមីនា ឆ្នាំ២០១៧។

លោកស្រី May បានលើកឡើងនៅក្នុងសភាថា « វាជាពេលវេលាប្រវត្តិសាស្ត្រមួយ ដែលយើងមិនអាចថយក្រោយវិញបានទ្បើយ ហេតុដូចនេះ យើងត្រូវតែរួបរួមគ្នា បន្ទាប់ពីនីតិវិធី Brexit ត្រូវបានដំណើរជាផ្លូវការ ដោយអនុឡោមតាមមាត្រាទី៥០នៃសន្ធិសញ្ញាទីក្រុង Lisbon ដែលជាការចង់បានរបស់ប្រជាពលរដ្ឋ»។

គួរបញ្ជាក់ថា អង់គ្លេសត្រូវការរយ:ពេលយ៉ាងតិចពីរឆ្នាំ ក្នុងការធ្វើឲ្យដាច់ស្រេច ជាមួយសហភាពអឺរ៉ុប បន្ទាប់ពីលោក Tim Barrow អគ្គរដ្ឋទូតអង់គ្លេសប្រចាំសហភាពអឺរ៉ុប បានប្រគល់លិខិតចាកចេញនេះ ជូនទៅប្រធានក្រុមប្រឹក្សាអឺរ៉ុប លោក Donald Tusk នៅទីក្រុងព្រុចសែល៕

ចែកចាយបន្ត