Post News Media ព័ត៌មានអន្តរជាតិ លោក ត្រាំ ពិភ...

លោក ត្រាំ ពិភាក្សាយុទ្ធសាស្ត្រទប់ស្កាត់ការគំរាមកំហែងនុយក្លេអ៊ែររបស់កូរ៉េខាងជើងជាមួយសម្ព័ន្ធមិត្តអាស៊ី

ចែកចាយបន្ត

អាមេរិក: ប្រធានាធិបតីលោក ដូណាល់ ត្រាំ នៅថ្ងៃអាទិត្យ បានបង្កើនការប្រឹក្សាយោបល់ ជាមួយសម្ព័ន្ធមិត្តនៅអាស៊ី ដើម្បីធានាកិច្ចសហប្រតិបត្តិការរបស់ខ្លួន ក្នុងដាក់ការសម្ពាធលើកូរ៉េខាងជើង ជុំវិញកម្មវិធីនុយក្លេអ៊ែរ និងមីស៊ីលរបស់ប្រទេសនេះ។ ដកស្រង់ប្រភពពីសារព័ត៌មាន Channel News Asia ចេញផ្សាយនៅថ្ងៃទី ០១ ខែឧសភា ឆ្នាំ២០១៧។

ក្រុមមន្ត្រីអាមេរិក បានឲ្យដឹងថា លោក ត្រាំ បាននិយាយសន្ទនាជាមួយនាយករដ្ឋមន្ត្រីថៃ និងសិង្ហបុរី តាមរយ:ការហៅទូរស័ព្ទពីរដាច់ដោយឡែកផ្សេងគ្នា ពាក់ព័ន្ធនឹងរឿងគំរាមកំហែងរបស់រដ្ឋាភិបាលក្រុងព្យុងយ៉ាង និងថែមទាំងបានអញ្ជើញមេដឹកនាំទាំងពីរមកធ្វើដំណើរទស្សនកិច្ចនៅទីក្រុងវ៉ាស៊ីនតោនទៀតផង។

ប្រភពដដែលបានបន្តថា «ពួកគេបានពិភាក្សាអំពីមធ្យោបាយ ដើម្បីដាក់សម្ពាធការទូត និងសេដ្ឋកិច្ចទៅលើប្រទេស កូរ៉េខាងជើង» ។

ពាក់ព័ន្ធនឹងការហៅទូរស័ព្ទរបស់លោក ត្រាំ ចំពោះមេដឹកនាំអាស៊ីទាំងពីរ បានធ្វើទ្បើងរយ:ពេលពីរថ្ងៃ បន្ទាប់ពីកូរ៉េខាងជើងបានធ្វើតេស្តបង្ហោះកាំជ្រួចមីស៊ីលមួយផ្សេងទៀត ដែលក្រុងវ៉ាស៊ីនតោន និងសេអ៊ូល បានអះអាងថា តេស្តនោះ គឺបរាជ័យ និងត្រូវទទួលការថ្កោលទោសកាន់តែខ្លាំងទ្បើងពីអន្តរជាតិ៕

ចែកចាយបន្ត