Post News Media ព័ត៌មានអន្តរជាតិ កូរ៉េខាងជើង ទ...

កូរ៉េខាងជើង ទំនងជាបង្កើនដំណើរការកម្មវិធីមីស៊ីលបាលីស្ទិក

ចែកចាយបន្ត

កូរ៉េ: រូបភាពផ្កាយរណបថ្មី បានបង្ហាញថា កូរ៉េខាងជើង អាចនឹងពង្រីកកម្មវិធីកាំជ្រួចមីស៊ីលបាលីស្ទិក (SLBM) សម្រាប់បើកដំណើរការបាញ់ចេញពីនាវាមុជទឹក ជាលើកទី២របស់ខ្លួន។ នេះបើយោងតាមរយ: សារព័ត៌មាន sputnik ចេញផ្សាយនៅថ្ងៃទី០៣ ខែឧសភា ឆ្នាំ២០១៧។

តាមរយ:បណ្តាញអង្គការឃ្លាំមើលកូរ៉េខាងជើង ដែលរៀបចំដោយវិទ្យាស្ថានអាមេរិក​និងកូរ៉េខាងត្បូង របស់សាកលវិទ្យាល័យ Johns Hopkins បានកត់សម្គាល់នៅក្នុងការវិភាគរូបភាព ដែលត្រូវបានថតពីលើអាកាស ដោយផ្កាយរណប កាលពីថ្ងៃច័ន្ទថា នាវាមុជទឹក ដែលគេជឿថា សម្រាប់ដំណើរការកម្មវិធីមីស៊ីលនោះ ត្រូវបានប្រទះឃើញ នៅលើឆ្នេរភាគខាងលិចប្រទេសកូរ៉េខាងជើង។

របាយការណ៍ដដែល បានអះអាងថា កម្មវិធីមីស៊ីលនេះ នឹងត្រូវបញ្ជាដោយកងទ័ពជើងទឹក ក្នុងការធ្វើតេស្តមីស៊ីលនៅក្រោមទឹក ប៉ុន្តែមុនពេលបើកដំណើរការប្រព័ន្ធទាំងនេះ ត្រូវដំឡើងវានៅក្នុងនាវាមុជទឹកមួយ ដើម្បីកែប្រែបំពង់ និងប្រព័ន្ធបាញ់បង្ហោះសិន ៕