Post News Media ព័ត៌មានអន្តរជាតិ ជាថ្មីម្តងទៀត...

ជាថ្មីម្តងទៀត អាមេរិក បាញ់បង្ហោះកាំជ្រួចមីស៊ីល Minuteman III ជាលើកទីពីរ ដោយបានទទួលជោគជ័យ

ចែកចាយបន្ត

អាមេរិក: រដ្ឋាភិបាលក្រុងវ៉ាស៊ីនតោន បានចាប់ផ្តើមធ្វើតេស្តបាញ់បង្ហោះមីស៊ីលឆ្លងទ្វីប (ICBM) ថ្មីមួយទៀត ចេញពីមូលដ្ឋានទ័ពអាកាសអាមេរិក ក្នុងរដ្ឋកាលីហ្វញ៉ា ដែលបានធ្វើទ្បើងត្រឹមរយ:ពេលប្រាំពីរថ្ងៃ បន្ទាប់ពីការបាញ់បង្ហោះជាលើកដំបូងរបស់ខ្លួន។ នេះបើយោងតាមរយ:សារព័ត៌មាន RT ចេញផ្សាយនៅថ្ងៃទី០៣ ខែឧសភា ឆ្នាំ២០១៧។

មីស៊ីលនេះ បានបាញ់ចេញពីមូលដ្ឋានទ័ពអាកាស Vandenberg នៅវេលាម៉ោង ០៧ និង០២នាទី ថ្ងៃពុធនេះ ដែលវាមានរយ:ចម្ងាយប្រហែល ៤.២០០ ម៉ាយ ត្រូវបានបាញ់សាកល្បងនៅជិតតំបន់ Kwajalein Atoll ក្នុងកោះ Marshall ។

តេស្តនេះ ត្រូវបានធ្វើទ្បើង ដើម្បីឆ្លើយតបទៅនឹងការបាញ់សាកល្បងមីស៊ីលរបស់កូរ៉េខាងជើងចុងក្រោយនេះ ចំពេលដែលមានតានតឹងកាន់តែខ្លាំងទ្បើង នៅលើឧបទ្វីបកូរ៉េ៕