Post News Media ព័ត៌មានអន្តរជាតិ ឥណ្ឌាបាញ់សាកល...

ឥណ្ឌាបាញ់សាកល្បងមីស៊ីលបាលីស្ទិក Agni-II មានសមត្ថភាពបំពាក់ក្បាលគ្រាប់នុយក្លេអ៊ែរ

ចែកចាយបន្ត

ឥណ្ឌា: ទូរទស្សន៍របស់រដ្ឋក្នុងប្រទេស​ នៅថ្ងៃព្រហស្បតិ៍នេះ បានរាយការណ៍ថា រដ្ឋាភិបាលឥណ្ឌា បានធ្វើតេស្តសាកល្បង ដោយបាញ់បង្ហោះកាំជ្រួចមីស៊ីលបាលីស្ទិក Agni-II មានសមត្ថភាពបំពាក់ក្បាល គ្រាប់នុយក្លេអ៊ែរមួយ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី០៤ ខែឧសភា ឆ្នាំ២០១៧។

មីស៊ីលនេះ ត្រូវបានបាញ់ចេញពីតំបន់ wheeler Island នៃឆ្នេរសមុទ្រ ភាគខាងកើតរដ្ឋ Odisha ដែលវាមានសមត្ថភាព អាចវាយប្រហារបានរយ:ចម្ងាយ ២.០០០ គីឡូម៉ែត្រ។

ប្រភពពីក្រសួងការពារជាតិ បាននិយាយថា ការធ្វើតេស្តនេះ បានធ្វើទ្បើងក្នុងគោលបំណង ដើម្បីបង្កើតប្រព័ន្ធប្រតិបត្តិការអាវុធ ឲ្យមានប្រសិទ្ធភាពទ្បើងវិញ។

សូមជំរាបថា មីស៊ីលនេះ អាចបំពាក់ក្បាលគ្រាប់នុយក្លេអ៊ែរទម្ងន់ ១.០០០ គីទ្បូក្រាម៕