Post News Media ព័ត៌មានអន្តរជាតិ ផ្អើលកោះស៊ូម៉...

ផ្អើលកោះស៊ូម៉ាត្រា ខណ:បូលិសដេញចាប់អ្នកទោសហែកគុកបាន ២១៣ នាក់

ចែកចាយបន្ត

មន្ត្រីរដ្ឋាភិបាលឥណ្ឌូនេស៊ី នៅថ្ងៃសៅរ៍ បានឲ្យដឹងថា យ៉ាងហោចណាស់អ្នកទោស ២១៣នាក់ ដែលបានគេចខ្លួនចេញពីពន្ធនាគារ នៅលើកោះស៊ូម៉ាត្រា កាលពីរសៀលថ្ងៃសុក្រ អំឡុងពេលកុបកម្ម ក្នុងពន្ធនាគារ ត្រូវបានចាប់ខ្លួន និងបញ្ចូនចូលក្នុងពន្ធនាគារវិញផងដែរ។ នេះបើយោងតាមរយ:សារព័ត៌មាន Channel News Asia ចេញផ្សាយនៅថ្ងៃទី៧ ខែឧសភា ឆ្នាំ២០១៧។

ប្រធានពន្ធនាគារលោក Wayan Dusak បាននិយាយថា អ្នកទោស ៤៤៧ បានរត់គេចខ្លួនពីពន្ធនាគារ Sialang Bungkuk ក្នុងស្រុក Pekanbaru ដែលកម្លាំងប៉ូលិស បានសហការជាមួយមន្ត្រីក្នុងតំបន់ កំពុងតែបន្តប្រតិបត្តិការតាមចាប់ខ្លួនអ្នកទោសហែកគុកចំនួន ២៣៤នាក់ទៀត បន្ទាប់ពួកគេចាប់បានអ្នកទោស ២១៣នាក់មកវិញ។

សូមជំរាបថា ករណីអ្នកទោសហែកគុកនេះ បានកើតទ្បើងដោយសារពន្ធនាគារដាក់អ្នកទោសលើសចំណុះ៕

ចែកចាយបន្ត