Post News Media ព័ត៌មានអន្តរជាតិ ជនជាតិដើមភាគត...

ជនជាតិដើមភាគតិចអូស្ត្រាលី កំពុងរងផលប៉ះពាល់ ដោយការបំផ្ទុះគ្រាប់នុយក្លេអ៊ែររបស់អង់គ្លេស

ចែកចាយបន្ត

រដ្ឋាភិបាលអូស្រ្តាលី បានប្រកាសថា នឹងធ្វើឲ្យប្រសើរទ្បើងនូវការថែទាំសុខភាព សម្រាប់ជនជាតិដើមភាគតិច ដែលបានរងផលប៉ះពាល់ ដោយសារជាតិវិទ្យុកម្ម បង្កមកពីការធ្វើតេស្តនុយក្លេអ៊ែររបស់អង់គ្លេស។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី០៩ ខែឧសភា ឆ្នាំ២០១៧។

ចាប់តាំងពីឆ្នាំ ១៩៥២ ដល់ ១៩៦៣ ប្រទេសអង់គ្លេស បានបំផ្ទុះគ្រាប់បែកនុយក្លេអ៊ែរ នៅតំបន់ Maralinga និងវាលខ្សាច់ Emu Field ស្ថិតនៅភាគខាងត្បូងអូស្ត្រាលី និងកោះ Montebello នៅភាគខាងលិចនៃប្រទេសនេះ។

តំបន់ទាំងនោះ មើលទៅហាក់ស្ថិតនៅចម្ងាយឆ្ងាយពីប្រជាជនក៏ពិតមែន ប៉ុន្តែមនុស្សជាច្រើនដែលជាជនជាតិដើមភាគតិច ត្រូវបានអាជ្ញាធរបង្ខំឲ្យធ្វើការផ្លាស់ប្តូរទីកន្លែងរស់នៅរបស់ពួកគេផងដែរ។

ដោយទ្បែកចំពោះអ្នកទាំងទ្បាយណា ដែលបានរងផលប៉ះពាល់កម្រិតខ្ពស់នៃជាតិវិទ្យុសកម្ម កំពុងប្រឈមបញ្ហាសុខភាពយ៉ាងធ្ងន់ធ្ងរ ដែលបច្ចុប្បន្នពួកគេភាគច្រើន ជាអតីតយុទ្ធជនសល់ពីសម័យសង្គ្រាម ត្រូវបានរដ្ឋាភិបាលផ្ដល់ Gold Card ជាប័ណ្ណសម្រាប់ការចំណាយលើសេវាសុខភាពនៅមន្ទីរពេទ្យ៕

ចែកចាយបន្ត