Post News Media ព័ត៌មានអន្តរជាតិ នយោបាយអាមេរិក...

នយោបាយអាមេរិក កំពុងតែចលាចល បន្ទាប់ពីការរឹងទទឹងរបស់លោក ត្រាំ បណ្ដេញប្រធាន FBI ចេញពីតំណែង

ចែកចាយបន្ត

អាមេរិក: កាលពីថ្ងៃពុធ សេតវិមាន បានស្នើឲ្យមានរដ្ឋអាជ្ញាពិសេសម្នាក់ ដើម្បីធ្វើការស៊ើបអង្កេតលើបទចោទ ប្រកាន់យុទ្ធនាការបោះឆ្នោតរបស់លោក ដូណាល់ ត្រាំ មានការឃុបឃិតជាមួយប្រទេសរុស្ស៊ី ដោយបានធ្វើទ្បើងយ៉ាងឆាប់រហ័ស បន្ទាប់ពីប្រធានាធិបតីអាមេរិក បណ្ដេញប្រធាន FBI ចេញពីតំណែង។ នេះបើយោងតាមរយ:សារព័ត៌មាន Channel News Asia ចេញផ្សាយនៅថ្ងៃទី១១ ខែឧសភា ឆ្នាំ ២០១៧។

ការបណ្តេញលោក James Comey ចេញពីតំណែងរបស់លោក ត្រាំ ដែលជាបុគ្គលម្នាក់ទទួលការខុសត្រូវស៊ើបអង្កេត ជុំវិញការជ្រៀតជ្រែករបស់វិមានក្រឹមឡាំង នៅក្នុងការបោះឆ្នោតឆ្នាំ ២០១៦ កន្លងមក បានបង្កឲ្យនយោបាយនៅទីក្រុង វ៉ាស៊ីនតោន កំពុងមានភាពចលាចលយ៉ាងខ្លាំង។

សមាជិកគណបក្សប្រជាធិបតេយ្យ បានខឹងសម្បារយ៉ាងខ្លាំង ដោយលើកទ្បើងថា ឥឡូវនេះការងាររបស់ FBI នឹងត្រូវរសាត់គ្មានត្រើយ ហើយបានទាមទារឲ្យមានរដ្ឋអាជ្ញាពិសេសម្នាក់ ដែលស្រដៀងគ្នា ទៅនឹងអ្នកដែលត្រូវតែងតាំង ក្នុងអំឡុងពេលមានរឿងអាស្រូវ Watergate របស់អតីតប្រធានាធិបតីអាមេរិក លោក Richard Nixon ឬដំណើរការបទចោទប្រកាន់លោក Bill Clinton។

គួរបញ្ជាក់ដែរថា ប្រធានាធិបតីអាមេរិក លោក ដូណាល់ ត្រាំ បានសម្រេចចិត្តបណ្ដេញ លោក James Comey អាយុ៥៦ឆ្នាំ ចេញពីតំណែង គឺស្របតាមអនុសាសន៍របស់អគ្គរដ្ឋអាជ្ញា លោក Jeff Sessions ដោយសំអាងហេតុផលថា លោក Comey មិនមានសមត្ថភាព នៅក្នុងការដឹកនាំ FBI ឲ្យមានប្រសិទ្ធិភាព៕

ចែកចាយបន្ត