Post News Media ព័ត៌មានអន្តរជាតិ ករណីភ្លើងឆេះន...

ករណីភ្លើងឆេះនៅព្រលានយន្តហោះសិង្ហបុរី បង្កឲ្យមានការជម្លៀសអ្នកដំណើរ និងពន្យារពេលជើងហោះហើរ

ចែកចាយបន្ត

សិង្ហបុរី: កម្លាំងការពារជនស៊ីវិលក្នុងប្រទេស (SCDF) នៅថ្ងៃអង្គារនេះ បានឲ្យដឹងថា ករណីភ្លើងឆេះតូចមួយ បានផ្ទុះឡើងនៅឯព្រលានយន្តហោះ Changi Airport Terminal 2 បង្កឲ្យមានការជម្លៀស អ្នកដំណើរទៅកាន់ទីសុវត្ថិភាពភ្លាមៗផងដែរ ។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី១៦ ខែឧសភា ឆ្នាំ២០១៧។

មនុស្ស០៣នាក់ ត្រូវបានមន្ត្រី SCDF បញ្ជូនទៅកាន់មន្ទីរពេទ្យ បន្ទាប់ពីរងគ្រោះដោយសារស្រូបយកផ្សែង ដែលបណ្ដាលមកបញ្ហាភ្លើងឆេះនោះ។

ហេតុការណ៍នេះ បានកើតទ្បើងនៅវេលាម៉ោងប្រហែល ៥ និង៤០ នាទីល្ងាច ដោយអគ្គិភ័យនេះ បានធ្វើឲ្យផ្សែងហុយឆ្លងចូលតាមរយ:កង្ហារ ដែលវាបានចាប់ផ្ដើមឆេះនៅឃ្លាំងមួយ។

ពាក់ព័ន្ធនឹងការឆេះនេះដែរ មន្ត្រីពីព្រលានយន្តហោះ បានធ្វើការជម្លៀនអ្នកដំណើរភ្លាមៗទៅកាន់កន្លែងសុវត្ថិភាព ព្រមទាំងធ្វើការពន្យារពេលជើងហោះហើរផងដែរ៕