Post News Media ព័ត៌មានអន្តរជាតិ លោក ត្រាំ ស្ន...

លោក ត្រាំ ស្នើឲ្យអតីតប្រធាន FBI បញ្ឈប់ការស៊ើបអង្កេតរឿងទំនាក់ទំនងលោក Flynn ជាមួយរុស្ស៊ី

ចែកចាយបន្ត

អមេរិក: របាយការណ៍ប្រព័ន្ធផ្សព្វផ្សាយ បានឲ្យដឹងថា ប្រធានាធិបតីលោក ដូណាល់ ត្រាំ បានស្នើអតីតប្រធានភ្នាក់ងារ FBI លោក James Comey បញ្ចប់ការស៊ើបអង្កេតជុំវិញទំនាក់ទំនង រវាងអតីតទីប្រឹក្សាសន្តិសុខជាតិលោក Michael Flynn ជាមួយនិងរុស្ស៊ី។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី ១៧ ខែឧសភា ឆ្នាំ២០១៧។

តាមលិខិតដែលលោក ត្រាំ ផ្ញើទៅកាន់អតីតប្រធាន FBI បន្ទាប់ពីកិច្ចប្រជុំមួយនៅឯសេតវិមាន បានសរសេរថា «ខ្ញុំសង្ឃឹមថា អ្នកអាចអនុញ្ញាតឲ្យរឿងនេះ ឈប់ដំណើរការតទៅទៀត»។

អនុស្សរណ:នេះ ត្រូវបានសរសេរជាបន្ទាន់ បន្ទាប់ពីកិច្ចប្រជុំមួយថ្ងៃក្រោយពីលោក Michael Flynn បានលាលែងពីតំណែង កាលពីថ្ងៃទី១៣ ខែកុម្ភ: ពាក់ព័ន្ធនឹងការលេចឮរឿងអាស្រូវមានទំនាក់ទំនង​ជាមួយទីក្រុងម៉ូស្គូ។

ពាក់ព័ន្ធនឹងរបាយការខាងលើនេះ ខាងសេតវិមានបានធ្វើការច្រានចោល នៅក្នុងសេចក្តីថ្លែងការណ៍មួយផងដែរ។

ដោយបានលើកទ្បើងថា «លោកប្រធានាធិបតី បានបង្ហាញគោលជំហរម្តងហើយម្តងទៀត អំពីទស្សន:របស់លោក ចំពោះលោក Flynn ថា ជាបុរសម្នាក់ដ៏សមរម្យម្នាក់ ដែលអាចបម្រើ និងការពារប្រទេសរបស់យើង ហើយលោក ត្រាំ ក៏មិនដែលបានស្នើឲ្យលោក Comey ឬនរណាម្នាក់ផ្សេងទៀត ដើម្បីបញ្ចប់ការស៊ើបអង្កេតណាមួយ ពាក់ព័ន្ធនឹងទំនាក់ទំនងរវាងលោក Flynn និងរុស្ស៊ីទ្បើយ»៕

ចែកចាយបន្ត