Post News Media ព័ត៌មានអន្តរជាតិ ប្រធានាធិបតីប...

ប្រធានាធិបតីប្រេស៊ីល បដិសេធរឿងយកលុយបំបិទមាត់សាក្សី ជុំវិញករណីអំពើពុករលួយ

ចែកចាយបន្ត

ប្រធានាធិបតីប្រេស៊ីល លោក Michel Temer បានច្រានចោលរបាយការណ៍កាសែតមួយ ដែលបានចោទប្រកាន់ថា លោកអាចនឹងបង់ប្រាក់ ដើម្បីបំបិទមាត់សាក្សី នៅក្នុងការស៊ើបអង្កេតរឿងក្ដីអំពើពុករលួយមួយ។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី១៨ ខែឧសភា ឆ្នាំ២០១៧។

លោក Michel Temer ត្រូវបានចោទប្រកាន់ថា បានផ្តល់ប្រាក់ខុសច្បាប់ ដល់អតីតអ្នកនាំពាក្យសភាជាន់ទាប នៃសភាប្រេស៊ីល គឺលោក Eduardo Cunha ក្នុងគោលបំណងដើម្បីបំបិទមាត់សាក្សី។

សូមជំរាបថា លោក Cunha ត្រូវបានកាត់ទោស កាលពីខែមីនាឲ្យជាពន្ធនាគាររយ:ពេល ១៥ ឆ្នាំ ពាក់ព័ន្ធនឹងអំពើពុករលួយនៃការលាងលុយកខ្វក់ និងការគេចវេសបង់ពន្ធ។

គួរបញ្ជាក់ដែរថា បទចោទប្រកាន់ប្រឆាំងនឹងលោក Temer នេះ ត្រូវបានធ្វើឡើងដោយកាសែត O Globo៕