Post News Media ព័ត៌មានអន្តរជាតិ IS បើកការវាយប...

IS បើកការវាយប្រហារនៅភាគកណ្តាលប្រទេសស៊ីរី ផ្ដាច់ជីវិតមនុស្ស ២០ នាក់

ចែកចាយបន្ត

ស៊ីរី: ទីភ្នាក់ងាររដ្ឋ SANA នៅព្រឹកថ្ងៃព្រហស្បតិ៍នេះ បានរាយការណ៍ថា យ៉ាងហោចណាស់មនុស្ស ២០ នាក់ ត្រូវបានសម្លាប់នៅពេលដែលក្រុមរដ្ឋអ៊ិស្លាម (IS) បានវាយប្រហារ នៅភាគកណ្ដាលខេត្ត Hama ។ នេះបើយោងតាមរយ:សារព័ត៌មានចិនស៊ិនហួ ចេញផ្សាយនៅថ្ងៃទី១៨ ខែឧសភា ឆ្នាំ២០១៧។

ពួកសកម្មប្រយុទ្ធ IS បានវាយប្រហារនៅភូមិ Akairbat ជាទីជនបទនៃខេត្ត Hama ដែលបានជំរុញឲ្យកងកម្លាំងស៊ីរី ធ្វើការឆ្លើយតបទៅនឹងការវាយប្រហារនេះវិញ ដោយផ្តោតលើចំណុចកណ្តាលនៃភូមិ។

ភូមិនេះ មានទីតាំងស្ថិតនៅជិតទីក្រុង Salamiyeh ដែលឧស្សាហ៍កើតមានបទឧក្រិដ្ឋកម្មជាច្រើន ត្រូវបានបង្កទ្បើងដោយ IS។

គួរបញ្ជាក់ដែរថា អ្នកអង្កេតការណ៍សិទ្ធិមនុស្សស៊ីរី បាននិយាយថា យន្តហោះចម្បាំងស៊ីរី បានធ្វើការវាយប្រហារទីតាំង IS ស្ថិតនៅភាគកណ្តាលប្រទេសស៊ីរី បន្ទាប់ពីមានការវាយប្រហារនោះ៕