Post News Media ព័ត៌មានអន្តរជាតិ Update៖ ករណីប...

Update៖ ករណីបំផ្ទុះគ្រាប់បែកអំទ្បុងការប្រគំតន្ត្រីរបស់តារាចម្រៀងដ៏ល្បី នៅអង់គ្លេស សម្លាប់មនុស្ស ១៩ និង ៥០នាក់ទៀតរងរបួស

ចែកចាយបន្ត

អង់គ្លេស: មនុស្ស ១៩ នាក់ ត្រូវបានសម្លាប់ ខណ:ដែល ៥០ នាក់ទៀតរងរបួស ក្នុងការវាយប្រហារមួយ នៅតំបន់ Manchester Arena ដែលគេសង្ស័យថា ជាអំពើភេរវកម្ម។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី ២៣ ខែឧសភា ឆ្នាំ ២០១៧។

បើតាមប៉ូលិសទីក្រុង Manchester បានឲ្យដឹងថា ហេតុការណ៍បំផ្ទុះគ្រាប់បែកនេះ បានកើតទ្បើងនៅវេលាម៉ោងប្រហែល ១០ និង ៣៥ នាទីយប់ ក្នុងអំទ្បុងពេលការប្រគំតន្ត្រីប៉ុបមួយ ដែមានតារាចម្រៀងអាមេរិកដ៏ល្បីឈ្មោះចួលរួម គឺនាង Ariana Grande ។

មូលហេតុនៃការផ្ទុះនេះ ខាងអាជ្ញាធរនៅមិនទាន់បានបញ្ជាក់ឲ្យដឹងនៅទ្បើយទេ ប៉ុន្តែបើតាមអង្គភាពប្រឆាំងនឹងអំពើ ភេរវកម្មភាគពាយព្យនៃប្រទេស បានប្រាប់ភ្នាក់ងារ BBC ថា វាអាចជាឧប្បត្តិហេតុភេរវកម្មមួយ។

គួរបញ្ជាក់ដែរថា ការប្រគំតន្ត្រីរបស់តារាចម្រៀងដ៏ល្បីខាងលើ ត្រូវបានរៀបចំទ្បើងកាលពីយប់ថ្ងៃច័ន្ទ ដោយនៅក្នុងហេតុការណ៍នោះ មានការវាយប្រហារគ្រាប់បែកពីរលើក ដែលមកទល់ពេលនេះ នៅមិនទាន់អាចកំណត់អត្តសញ្ញាជនសង្ស័យបាននៅទ្បើយទេ៕