Post News Media ព័ត៌មានអន្តរជាតិ ប្រធានាធិបតីរ...

ប្រធានាធិបតីរុស្ស៊ី ត្រៀមខ្លួនរួចជាស្រេច ដើម្បីសហការជាមួយអង់គ្លេស ប្រយុទ្ធប្រឆាំងនឹងអំពើភេរវកម្ម

ចែកចាយបន្ត

រុស្ស៊ី: បន្ទាប់ពីភេរវកម្មបំផ្ទុះគ្រាប់បែក នៅកន្លែងប្រគុំតន្រ្តី Manchester Arena កាលពីថ្ងៃច័ន្ទ បានបណ្ដាលឲ្យមនុស្សស្លាប់កើនដល់២២នាក់ ដែលភាគច្រើនគឺជាកុមារ និង៥៩នាក់ផ្សេងទៀត កំពុងរងរបួសនោះ ប្រទេសរុស្ស៊ីបានលើកទ្បើង ផងដែរថា នឹងចូលរួមជាមួយអង់គ្លេសប្រយុទ្ធប្រឆាំងនឹងអំពើភេរវកម្ម ។ នេះបើយោងតាមរយ: សារព័ត៌មាន AFP ចេញផ្សាយនៅទី២៣ ខែឧសភា ឆ្នាំ២០១៧។

ប្រភពពីវិមានក្រឹមទ្បាំង បានឲ្យដឹងថា «ប្រធានាធិបតីរុស្ស៊ី លោកវ្ល៉ាឌីមៀ ពូទីន បានតៀមខ្លួនរួចជាស្រេច ដើម្បីបង្កើនកិច្ចសហប្រតិបត្តិការជាមួយអង់គ្លេស ក្នុងការប្រឆាំងនឹងអំពើភេរវកម្មដ៏ឃោរឃៅនេះ។

ពាក់ព័ន្ធនឹងការវាប្រហារនេះ បានធ្វើឲ្យនាយករដ្ឋមន្ត្រីអង់គ្លេសលោកស្រី Theresa May ធ្វើការថ្កោលទោសយ៉ាងខ្លាំង ដោយថែមទាំងគ្រោងនឹងធ្វើការផ្អាកយុទ្ធនាការឃោសនា សម្រាប់ការបោះឆ្នោតក្នុងប្រទេស នៅថ្ងៃទី០៨ ខែមិថុនា ឆ្នាំ២០១៧ ខាងមុខទៀតផង។

សូមជំរាបថា ហេតុការណ៍វាយប្រហារនេះ បាន​កើតឡើងនាវេលាម៉ោងប្រមាណជា១០ និង៣៥នាទីយប់ថ្ងៃច័ន្ទ ដែលវាត្រូវបានអាជ្ញាធរចាត់ទុកថា ជាអំពើវាយប្រហារដោយភេវកម្ម៕