Post News Media ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រីអង់គ្លេសអះអាងថា នឹងមានការវាយប្រហារភេរវកម្មផ្សេងទៀត នៅក្នុងប្រទេស នាពេលខាងមុខ

ចែកចាយបន្ត

អង់គ្លេស: នាយករដ្ឋមន្ដ្រីលោកស្រី Theresa May បានព្រមានកាលពីថ្ងៃអង្គារ ប្រទេសខ្លួន កំពុងប្រឈមមុខ នឹងការវាយប្រហារភេរវកម្មផ្សេងទៀត នៅពេលខាងមុខ ខណ:ដែលលោកស្រី បានដាក់ពង្រាយទាហាន នៅតាមតំបន់សំខាន់ៗ បន្ទាប់ពីហេតុការបំផ្ទុះគ្រាប់បែកអត្តឃាតមួយ បានសម្លាប់មនុស្ស ២២ នាក់ នៅឯកន្លែងប្រគំតន្ត្រីប៉ុបមួយ ក្នុងទីក្រុង Manchester ។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី២៤ ខែឧសភា ឆ្នាំ២០១៧។

លោកស្រី May បានឲ្យដឹងថា «កម្រិតនៃការគំរាមកំហែងភេរវកម្ម នៅក្នុងប្រទេសកំពុងប្រឈមនឹងស្ថានភាពធ្ងន់ធ្ងរ ដែលមានន័យថា នឹងមានការវាយប្រហារមួយផ្សេងទៀត នៅពេលខាងមុខ »។

ការថ្លែងរបស់លោកស្រី បានធ្វើទ្បើងបន្ទាប់ពីប៉ូលិសអង់គ្លេស បានកំណត់អត្តសញ្ញាណជនបំផ្ទុះគ្រាប់បែកឈ្មោះ Salman Abedi អាយុ២២ឆ្នាំ កើតនៅឆ្នាំ១៩៩៤ ក្នុងទីក្រុង Manchester ដែលមានម្ដាយឪពុកជាជនភៀសខ្លួនលីប៊ី។

ថ្លែងនៅការិយាល័យ Downing Street លោកស្រី May បានបន្ថែមថា «វាគឺប្រាកដណាស់ ដោយយើងមិនអាច មិនអើពើថា គ្មានក្រុមនៃបុគ្គលដ៏ធំមួយ ជាប់ពាក់ព័ន្ធនឹងការវាយប្រហារនេះនោះទេ »។

លោកស្រី បានប្រកាសថា កងទ័ពនឹងត្រូវបានដាក់ពង្រាយនៅតាមដងផ្លូវ ដើម្បីជួយគាំទ្រដល់ប៉ូលិស ដោយស្ថិតនៅក្រោមផែនការមួយ ដែលមានឈ្មោះថា ប្រតិបត្ដិការ Temperer ដែលត្រូវបានបង្កើតឡើងក្រោយការវាយប្រហារភេរវកម្ម នៅទីក្រុងប៉ារីស កាលពីខែវិច្ឆិកា ឆ្នាំ ២០១៥ ៕