Post News Media ព័ត៌មានអន្តរជាតិ កូរ៉េខាងជើងអះ...

កូរ៉េខាងជើងអះអាងថា នឹងធ្វើតេស្តបាញ់មីស៊ីលផ្លោងថ្មីផ្សេងទៀត

ចែកចាយបន្ត

កូរ៉េ: ទីភ្នាក់ងារកណ្តាលផ្លូវការកូរ៉េ (KCNA) បានឲ្យដឹងថា រដ្ឋាភិបាលក្រុងព្យុង នៅថ្ងៃអង្គារនេះ បានបញ្ជាក់ថា ប្រទេសខ្លួនបានធ្វើតេស្តបាញ់មីស៊ីលផ្លោងមួយ ដោយទទួលបានជោគជ័យកាលពីថ្ងៃច័ន្ទ និងថែមទាំងអះអាងថា នឹងធ្វើតេស្តបាញ់វាជាលើកទីបី សម្រាប់រយ:មួយខែនេះ ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៣០ ខែឧសភា ឆ្នាំ២០១៧។

តាមរបាយការណ៍ បាននិយាយថា មីស៊ីលដែលបាញ់ចេញកាលពីម្សិលមិញ គឺមានបំពាក់គ្រាប់រ៉ុក្កែតធុនមធ្យម ត្រូវបានដឹកនាំការធ្វើតេស្តដោយផ្ទាល់ ពីសំណាក់មេដឹកនាំកំពូលកូរ៉េខាងជើង គឺលោក គីម ជុងអ៊ុន ។

ការបាញ់សាកល្បងនេះ ត្រូវបានគេមើលឃើញថា ធ្វើទ្បើងក្នុងគោលបំណងផ្ទៀងផ្ទាត់ ភាពជាក់លាក់នៃការដឹកនាំ បច្ចេកវិទ្យាអាវុធថ្មី ដែលបំពាក់គ្រាប់រ៉ុក្កែតផ្លោង មានសមត្ថភាពធ្វើការវាយប្រហារទៅលើសត្រូវនៅតំបន់ណាមួយ។

គួរបញ្ជាក់ដែរថា ប្រព័ន្ធផ្សព្វផ្សាយកូរ៉េខាងត្បូង និងអាមេរិក បាននិយាយថា មីស៊ីលដែលបាញ់នោះ ជាប្រភេទ Scud ដែលមានសមត្ថភាពវាយប្រហារដល់គោលដៅចម្ងាយ ៥០០ គីឡូម៉ែត្រ ហើយវាបានធ្លាក់ចូលទៅក្នុងសមុទ្រជប៉ុន ក្រោយពីហោះបានរយ:ពេល ៦នាទី៕