Post News Media ព័ត៌មានអន្តរជាតិ Update៖ ឆេះអគ...

Update៖ ឆេះអគារនៅទីក្រុងទ្បុងដ៍ រងរបួសមនុស្ស ៣០នាក់

ចែកចាយបន្ត

អង់គ្លេស: ក្រុមជួយសង្គ្រោះបន្ទាន់ បានអះអាងថា យ៉ាងហោចណាស់មនុស្ស ៣០នាក់ បានរងរបួសក្នុងករណីអគ្គិភ័យឆាបឆេះអគារ Grenfell ២៤ជាន់ នៅភាគខាងលិចក្រុងឡុងដ៏ និងត្រូវបានគេបញ្ជូនទៅកាន់មន្ទីរពេទ្យ៥កន្លែង តាមរថយន្តសង្គ្រោះបន្ទាន់។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៤ ខែមិថុនា ឆ្នាំ២០១៧។

អគ្គិភ័យនេះ បានកើតទ្បើងនៅវេលាម៉ោង ១ និង ១៦ ទៀបភ្លឺ (ម៉ោងនៅក្នុងតំបន់) ដោយមានប្រតិបត្តិការជួយសង្គ្រោះពីក្រុមអ្នកពន្លត់អគ្គិភ័យប្រមាណជា ២០០ នាក់នៅទីនោះ។

តាមប៉ូលិសក្រុង​ បានឲ្យដឹងថា «សម្រាប់ពលរដ្ឋរស់នៅក្បែរអគារនោះ ត្រូវបានអាជ្ញាធរជម្លៀសចេញ ទៅកាន់ទីសុវត្ថិភាព»។

អង្គភាពពន្លត់អគ្គីភ័យក្រុងឡុងដ៍ បាននិយាយថា អគារទាំងមូលត្រូវបានឆេះ ហើយកំពុងមានការភ័យខ្លាចថា វាអាចនឹងដួលរលំ ខណ:ដែលរថយន្តពន្លត់អគ្គីភ័យ ៤០ គ្រឿង ត្រូវបានគេបញ្ជូនទៅកាន់តំបន់កើតហេតុ ៕

ចែកចាយបន្ត