Post News Media ព័ត៌មានអន្តរជាតិ Update៖ ស្លាប...

Update៖ ស្លាប់មនុស្ស ១២ នាក់ និង៧៨ នាក់រងរបួស នៅក្នុងករណីឆេះអគារ ២៤ ជាន់ នៅភាគខាងលិចទីក្រុងឡុងដ៍

ចែកចាយបន្ត

អង់គ្លេស: យ៉ាងហោចណាស់មនុស្ស ១២ នាក់ បានស្លាប់បាត់បង់ជីវិត នៅថ្ងៃពុធ បន្ទាប់ពីហេតុការណ៍ឆេះអគារ Grenfell ២៤ជាន់ ដ៏សន្ធោសន្ធៅ នៅភាគខាងលិចទីក្រុងឡុងដ៍។ នេះបើយោងតាមសារព័ត៌មាន Channel News Asian ចេញផ្សាយនៅថ្ងៃទី១៥ ខែមិថុនា ឆ្នាំ២០១៧។

មេបញ្ជាការប៉ូលិសលោក Stuart Cundy បានប្រាប់អ្នកកាសែតថា «ចំនួនអ្នកស្លាប់អាចនឹងមានការកើនទ្បើង ដោយខណ:នេះ ក្រុមពន្លត់អគ្គិភ័យ កំពុងប្រតិបត្តិការរុករក តាមកម្ទេចកម្ទីនៃអាគារ ដើម្បីស្វែងរកអ្នក ដែលអាចនៅរស់រានមានជីវិតណាមួយ។

មកទល់ពេលនេះ គឺមានជនរងគ្រោះ ៧៨ នាក់ បានសម្រាកព្យាបាលនៅឯមន្ទីរពេទ្យ ក្នុងនោះ ១៨ នាក់ កំពុងស្ថិតក្នុងស្ថានភាពធ្ងន់ធ្ងរ៕