Post News Media ព័ត៌មានអន្តរជាតិ រដ្ឋាភិបាលគុយ...

រដ្ឋាភិបាលគុយបាថា គោលនយោបាយថ្មីរបស់អាមេរិក នឹងឆ្ពោះទៅរកភាពបរាជ័យ

ចែកចាយបន្ត

គុយបា: រដ្ឋាភិបាលគុក្រុងឡាហាវ៉ាន់ បានឲ្យដឹងថា គោលនយោបាយការបរទេសថ្មី របស់ទីក្រុងវ៉ាស៊ីនតោន ដែល បានប្រកាសមកលើប្រទេសខ្លួន គឺជាដំណើរឆ្ពោះទៅរកភាពបរាជ័យ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៧ ខែមិថុនា ឆ្នាំ២០១៧។

ប្រទេសគុយបា បានអះអាងថា «រាល់យុទ្ធសាស្ត្រណាមួយ ដែលចង់​ផ្លាស់ប្តូរប្រព័ន្ធនយោបាយ, សេដ្ឋកិច្ច និងសង្គមនៅក្នុងប្រទេសខ្លួន ដើម្បីការដាក់សម្ពាធ ឬការប្រើវីធីសាស្ត្រប្រឆាំងផ្សេងៗទៀតណាក៏ដោយ ក្នុងការរឹតបន្តឹងលើគុយបានោះ នឹងត្រូវទទួលភាពបរាជ័យ»។

សូមជំរាបថា កាលពីថ្ងៃសុក្រ ប្រធានាធិបតីលោក ដូណាល់ ត្រាំ បានប្រកាសលុបចោលគោលនយោបាយចាស់ៗ មួយចំនួន រវាងប្រទេសគុយបា និងអាមេរិក ដែលបានបង្កើតឡើង ក្រោមរបបអតីតរដ្ឋបាលលោក អូបាម៉ា។

គោលនយោបាយថ្មីនេះ ត្រូវបានគេមើលឃើញថា នឹងធ្វើឲ្យទំនាក់ទំនងរវាងប្រទេសទាំងពីរ វិលទៅរកភាពតានតឹងឡើងវិញ៕