Post News Media ព័ត៌មានអន្តរជាតិ អតីតមេដឹកនាំក...

អតីតមេដឹកនាំកាន់អំណាចយូរជាងគេនៅអាល្លឺម៉ង ទទួលមរណ:ភាពក្នុងវ័យ ៨៧ ឆ្នាំ

ចែកចាយបន្ត

អតីត​អធិការបតី​អាល្លឺម៉ង់ លោក ​Helmut Kohl​ ​បាន​ទទួល​មរណ:​ភាព នៅ​ទីក្រុង​ Ludwigshafen​ ​ក្នុងគេហដ្ឋាន​ផ្ទាល់របស់​លោក ​នៅ​វ័យ​៨៧​ឆ្នាំ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៧ ខែមិថុនា ឆ្នាំ២០១៧។

លោក ​Kohl ​ត្រូវបានគេស្គាល់ថា ជាមេដឹកនាំដ៏ល្បីល្បាញមួយរូប ​​ក្នុង​ការ​បង្រួប​បង្រួម​ប្រទេស​អាល្លឺម៉ង់ ​និង​ក៏ជាអ្នក​កាន់​តំណែង​​អធិការបតីយូរ​ជាង​គេ​បំផុត​ ​ដែល​បានជាប់​ឆ្នោត​តាម​បែប​ប្រជា​ធិបតេយ្យ​ នៅ​ក្នុង​ប្រវត្តិ​សាស្រ្តនៃ​ប្រទេសផង​ដែរ។

លោក​ Kohl ​បាន​ទ្បើងកាន់តំណែងជា​អធិការបតី​ ​ចាប់​តាំង​ពី​ឆ្នាំ​១៩៨២​ ដល់​ឆ្នាំ​១៩៩៨ ដោយបានបំពេញតួនាទីមើល​ការ​ខុស​ត្រូវ​ ក្នុង​ការ​បញ្ចប់​សង្គ្រាម​ត្រជាក់ ព្រមទាំងបាន​ដឹកនាំ​ការ​បង្រួប​បង្រួម​ប្រទេស​អាល្លឺម៉ង់​ខាង​លិច​ ជាមួយ​ប្រទេស​កុម្មុយនិស្ត​អាល្លឺម៉ង់​ខាង​កើត​ នៅ​ឆ្នាំ​១៩៩០។

គួរបញ្ជាក់ដែរថា ​​តួនាទី​ដ៏ធំបំផុតរបស់អតីត​អធិការបរតី ​ដែល​ត្រូវ​បាន​គេទទួលស្គាល់​ខ្លាំងបំផុតនោះ ​គឺ​ការ​បង្កើត​សហភាព​អឺរ៉ុប៕