Post News Media ព័ត៌មានអន្តរជាតិ ការបោះឆ្នោតបា...

ការបោះឆ្នោតបារាំង៖ បក្សប្រធានាធិបតី បានឈ្នះសំឡេងភាគច្រើន នៅក្នុងសភា

ចែកចាយបន្ត

បារាំង: គណបក្សប្រធានាធិបតីលោក Emmanuel Macron បានឈ្នះសំទ្បេងភាគច្រើន នៅក្នុងសភា ដោយលទ្ធផលជាច្រើនសប្ដាហ៍ បានបង្ហាញយ៉ាងច្បាស់ បន្ទាប់ពីការទទួលជ័យជម្នះ ជាប្រធានាធិបតីរបស់លោក។ នេះបើយោងតា​មសារព័ត៌មាន BBC ចេញផ្សាយនៅថ្ងៃ១៩ ខែមិថុនា ឆ្នាំ២០១៧។

ជាមួយនឹងសំឡេងឆ្នោត ដែលបានរាប់ស្ទើរតែទាំងអស់ បានសបញ្ជាក់ឲ្យឃើញថា គណ:បក្ស La République en Marche របស់លោក Macron និងគណ:បក្ស MoDem ដែលជាសម្ព័ន្ធមិត្តខ្លួន បានឈ្នះអាសន:ច្រើនជាង ៣០០ នៅក្នុងអាសន:សភា សរុបចំនួន៥៧៧ ។

គម្លាតនៃការឈ្នះនេះ គឺទាបជាងការរំពឹងទុក បើធៀបទៅការបោះឆ្នោតឆ្នាំ ២០១២ មានការធ្លាក់ចុះ។

គណបក្សរបស់លោក Macron ទើបត្រូវបានបង្កើតឡើងរយ:ពេល ១៤ ខែប៉ុណ្ណោះ ហើយពាក់កណ្តាលនៃបេក្ខជន នៅក្នុងបក្សនេះ ត្រូវបានគេដឹងថា មានបទពិសោធនយោបាយតិចតួច ឬគ្មានតែម្ដង។

សូមជំរាបថា ​សម្រាប់ការបោះឆ្នោតសភាជុំទីពីរនេះ គេសម្គាល់ឃើញថា អ្នកទៅបោះឆ្នោតមានការថយចុះ ដែលបើតាមការប៉ាន់ប្រមាណ គឺមានកម្រិតទាបបំផុតប្រហែល ៤២% ប៉ុណ្ណោះ ពោលគឺធ្លាក់ចុះយ៉ាងខ្លាំង បើធៀបកាលពីប្រាំឆ្នាំមុន៕