Post News Media ព័ត៌មានអន្តរជាតិ រុស្ស៊ីព្រមាន...

រុស្ស៊ីព្រមានអាមេរិក រឿងបាញ់ទម្លាក់យន្តហោះចម្បាំងស៊ីរី

ចែកចាយបន្ត

រុស្ស៊ី: រដ្ឋាភិបាលវិមានក្រឹមទ្បាំង បានព្រមានក្រុមចម្រុះដឹកនាំដោយអាមេរិក ជុំវិញការប្រយុទ្ធគ្នានៅក្នុងប្រទេសស៊ីរី ដោយបាននិយាយថា នឹងសម្លឹងមើលគោលដៅទីតាំង យន្តហោះចម្បាំងរបស់ខ្លួន បន្ទាប់ពីអាមេរិក បានបាញ់ទម្លាក់យន្តហោះយោធាស៊ីរី កាលពីថ្ងៃអាទិត្យ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២០ ខែមិថុនា ឆ្នាំ២០១៧។

ករណីនេះដែរក្រុមចម្រុះ បានអះអាងថា យន្តហោះ Su-22 របស់ស៊ីរី ត្រូវបានបាញ់ទម្លាក់ ក្នុងគោលបំណង ដើម្បីប្រយុទ្ធប្រឆាំងនឹងក្រុមជ្រុលនិយមរដ្ឋអ៊ីស្លាមរដ្ឋអ៊ីស្លាម ក្នុងខេត្ត Raqqa ។

ខណ:ដែលរុស្ស៊ីដែលជាសម្ព័ន្ធមិត្តរបស់រដ្ឋាភិបាលស៊ីរី បានលើកទ្បើងថា ខ្លួនបានបញ្ចប់ទំនាក់ទំនងជាមួយអាមេរិក ក្នុងគោលបំណងដើម្បីទប់ស្កាត់ ចំពោះការកើតទ្បើងនៅឧប្បត្តិហេតុបែបនេះ។

ពាក់ព័ន្ធនឹងបញ្ហានេះដែរ អ្នកនាំពាក្យសេតវិមាន លោក Sean Spicer បានឲ្យដឹងថា ការបាញ់ទម្លាក់យន្តហោះចម្បាំងស៊ីរី វាជាការរក្សាសិទ្ធិក្នុងការការពារខ្លួនរបស់អាមេរិក នៅក្នុងប្រទេសស៊ីរីប៉ុណ្ណោះ។

ក្នុងនោះដែរលោក បានបន្ថែមទៀតថា «វាពិតជាមានសារ:សំខាន់ណាស់ ក្នុងការរក្សាទំនាក់ទំនងបើកចំហ ជាមួយប្រទេសរុស្ស៊ី»៕