Post News Media ព័ត៌មានអន្តរជាតិ និស្សិតអាមេរិ...

និស្សិតអាមេរិកដែលត្រូវកូរ៉េខាងជើងដោះលែង បានស្លាប់ហើយ

ចែកចាយបន្ត

អាមេរិក: បន្ទាប់ពីការដោះលែងនិស្សិតអាមេរិក ដែលត្រូវបានឃុំឃាំងអស់រយ:ជាង១៥ខែ កាលពីសប្តាហ៍មុន ដោយរដ្ឋាភិបាលកូរ៉េខាងជើង ឥទ្បូវនេះគាត់បានស្លាប់ហើយ ក្រោយពេលធ្វើដំណើរ មកដល់ប្រទេសកំណើតខ្លួនវិញ ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២០ ខែមិថុនា ឆ្នាំ២០១៧។

និស្សិតវ័យក្មេងឈ្មោះ Otto Warmbier អាយុ២២ឆ្នាំ ត្រូវបានគេរកឃើញថា បានទទួលរងនូវការប៉ះពាល់ ខួរក្បាលយ៉ាងធ្ងន់ធ្ងរ ក្រោយធ្វើដំណើរមកដល់ សហរដ្ឋអាមេរិកវិញ កាលពីថ្ងៃអង្គារសប្តាហ៍មុន។

សូមជំរាបថា Otto Warmbier ត្រូវបានអាជ្ញាធរក្រុងព្យុងយ៉ាង ចាប់ខ្លួនកាលពី​ឆ្នាំ២០១៦ និងត្រូវកាត់ទោស​ឲ្យជាប់ពន្ធនាគារ​១៥ឆ្នាំ ដោយចោទប្រកាន់ពីបទ មានចេតនា ផ្ដួលរំលំរដ្ឋាភិបាល​លោក គីម ជុងអ៊ុន។

ពាក់ព័ន្ធការស្លាប់នេះដែរ កូរ៉េខាងជើង បានលើកទ្បើងថា មូលហេតុដែលធ្វើឲ្យនិស្សិតរូបនេះ កើតជំងឺខួរក្បាល គឺបណ្តាលមកពីការបរិភោគអាហារខូចៗ botulism ប៉ុន្តែត្រូវបានក្រុមគ្រូពេទ្យអាមេរិក ធ្វើការច្រានចោលការបកស្រាយនេះផងដែរ៕