Post News Media ព័ត៌មានអន្តរជាតិ ពួកសកម្មប្រយុ...

ពួកសកម្មប្រយុទ្ធ IS បំផ្ទុះគ្រាប់បែកលើវិហារប្រវត្តិសាស្រ្តអ៊ីស្លាម

ចែកចាយបន្ត

អ៊ីរ៉ាក់: ក្រុមសកម្មប្រយុទ្ធជ្រុលនិយមរដ្ឋអ៊ីស្លាម បានវាយប្រហារដោយបំផ្ទុះគ្រាប់បែក នៅឯវិហារអ៊ីស្លាម អាល់នូរី របស់ខ្លួន ខណ:ដែលកងកម្លាំងអ៊ីរ៉ាក់ កំពុងសម្រុកឆ្ពោះមកជិតតំបន់វិហារ នៅភាគខាងលិចនៃទីក្រុង Mosul ប្រទេសអ៊ីរ៉ាក់។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២២ ខែមិថុនា ឆ្នាំ២០១៧។

វិហារអាល់នូរី ជាទីតាំងប្រវត្តិសាស្ត្រ​ដែល​មេដឹកនាំ IS លោក Abu Bakr alBaghdadi បានប្រកាសជា​រដ្ឋកាលីហ្វាត គ្រប់គ្រង​ដោយ​ក្រុម​ជីហាដ​នៅ​អ៊ីរ៉ាក់​ និងស៊ីរី ជា​ចំហ​កាលពីខែកក្កដា ក្នុង​​ឆ្នាំ ២០១៤។

យ៉ាងណាមិញ ពួកសកម្មប្រយុទ្ធ IS បានអះអាងនៅក្នុងសេចក្ដីថ្លែងការណ៍ថា យន្តហោះចម្បាំងអាមេរិក គឺជាអ្នកវាយប្រហារបំផ្លិចបំផ្លាញ នៅវិហារអ៊ីស្លាមមួយនេះ។

ពាក់ព័ន្ធនឹងហេតុការណ៍នេះដែរ មេបញ្ជាការអ៊ីរ៉ាក់ បាននិយាយថា កងកម្លាំងខ្លួន បានស្ថិតនៅចម្ងាយ ៥០ ម៉ែត្រពីវិហារអ៊ីស្លាម នៅពេលពួក IS បានប្រព្រឹត្តឧក្រិដ្ឋកម្មលើវិហារប្រវត្តិសាស្ត្រ៕