Post News Media ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រីអង់គ្លេស ៖ ពលរដ្ឋសហភាពអឺរ៉ុប ដែលមានសិទ្ធិស្របច្បាប់ នឹងត្រូវផ្តល់ជូនការតាំងលំនៅដ្ឋាន

ចែកចាយបន្ត

អង់គ្លេស: នាយករដ្ឋមន្ត្រីលោកស្រី Theresa May បានប្រាប់មេដឹកនាំសហភាពអឺរ៉ុប ( EU) ថា ប្រជាពលរដ្ឋសហភាពអឺរ៉ុប ដែលមានសិទ្ធិស្របច្បាប់ នៅក្នុងចក្រភពអង់គ្លេស គួរតែមានសិទ្ធិដូចប្រជាពលរដ្ឋ អង់គ្លេស បន្ទាប់ពីដំណើរការប៊្រុចសែល ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៣ ខែមិថុនា ឆ្នាំ២០១៧។

លោកស្រី Theresa May បាននិយាយនៅឯកិច្ចប្រជុំកំពូលប៊្រុចសែលថា «គ្មាននរណាម្នាក់ នឹងប្រឈមមុខនឹងបញ្ហាអ្វីនោះទេ»។

ការតាំងលំនៅដ្ឋាន នៅចក្រភពអង់គ្លេស នឹងត្រូវផ្តល់ជូនឲ្យរាល់អ្នកដែលបានចំណាយពេលប្រាំឆ្នាំ នៅចក្រភពអង់គ្លេស រួមទាំងសិទ្ធិស្មើគ្នាលើការថែទាំសុខភាព, ការអប់រំ, អត្ថប្រយោជន៍ និងប្រាក់សោធនជាដើម។

ការធានាសិទ្ធិរបស់ពលរដ្ឋសហភាពអឺរ៉ុប គឺជាអាទិភាពកំពូល សម្រាប់គណ:ប្រតិភូសហភាពអឺរ៉ុបចរចា អំពីដំណើរការប្រ៊ុចសែល ។

សូមជំរាបថា មុននឹងការលើកទ្បើងរបស់លោកស្រី May បែបនេះ សហភាពអឺរ៉ុប បានស្នើទៅតុលាការយុត្តិធម៌អឺរ៉ុប (ECJ) សុំឲ្យពលរដ្ឋសហភាពអឺរ៉ុប នៅចក្រភពអង់គ្លេស និងជនជាតិអង់គ្លេសប្រមាណ ១,២ លាននាក់ ដែលរស់នៅក្នុងបណ្តាប្រទេសអឺរ៉ុប គួរតែបន្តទទួលបានសិទ្ធិដូចគ្នា ខណ:ដែល EU ព្រួយបារម្ភថា ប្រជាពលរដ្ឋ សហភាពអឺរ៉ុបប្រមាណ ៣,២ លាននាក់រស់នៅចក្រភពអង់គ្លេស អាចនឹងត្រូវបាននិរទេសចេញពីប្រទេសអង់គ្លេស បន្ទាប់ពីដំណើរការប្រ៊ុចសែល៕