Post News Media ព័ត៌មានអន្តរជាតិ សមាជិក​ព្រឹទ្...

សមាជិក​ព្រឹទ្ធសគណបក្សលោក ត្រាំ​ ​ផ្អាកការ​បោះឆ្នោត​ បន្ទាប់ពីជួប​ការ​លំបាក​ក្នុង​ការ​លុបចោល​ច្បាប់​ថែទាំ​សុខភាព

ចែកចាយបន្ត

អាមេរិក: មេដឹកនាំ​ព្រឹទ្ធសភានៃ​គណបក្ស​សាធារណរដ្ឋរបស់ប្រធានាធិបតីលោក ដូណាល់ ត្រាំ ​កាល​ពី​ថ្ងៃ​អង្គារ បាន​ពន្យារពេល​បោះឆ្នោត ដោយសារមានបញ្ហា​ប្រឈម នៅ​ក្នុង​ការ​លុបចោល​ច្បាប់​ថែទាំ​សុខភាព ​ដ៏​សំខាន់​នៅ​ក្នុង​ប្រទេស បន្ទាប់​ពី​ការ​វិភាគ​ឯករាជ្យ​បង្ហាញ​ថា មនុស្ស​២២​លាន​នាក់ ​នឹង​ត្រូវបាត់បង់​ប័ណ្ណ​ធានារ៉ាប់រង​សុខភាព​របស់​ពួកគេ ​នៅទសវត្សរ៍​ក្រោយ ប្រសិន​បើ​សំណើច្បាប់​នេះ ​ត្រូវ​បាន​គេ​អនុម័ត។ នេះបើយោងតាមសារព័ត៌មាន BBC ចេញផ្សាយនៅថ្ងៃទី ២៨ ខែមិថុនា ឆ្នាំ២០១៧។

ក្រោយពីតំណាងរាស្ត្រ​ខាង​គណបក្ស​សាធារណរដ្ឋ​មួយ​ចំនួន​និយាយ​ថា ពួកគេ​នឹង​មិន​បោះឆ្នោត​ ដើម្បី​ធ្វើការដេញដោល​ពិភាក្សា​​ទៅ​លើសំណើ​របស់​គណបក្ស​ទេ ជាហេតុបង្ខំឲ្យលោក Mitch McConnell មេដឹកនាំ​សំឡេង​ភាគច្រើន​នៅ​ក្នុង​ព្រឹទ្ធសភា បាននិយាយថា លោក​នឹង​ពន្យារ​ពេល​បោះឆ្នោត ​ដែល​បាន​គ្រោង​ទុក​ក្នុង​សប្តាហ៍​នេះ រហូត​ក្រោយ​បុណ្យ​ឯករាជ្យ​ថ្ងៃទី៤ ខែកក្កដា។

ពាក់ព័ន្ធនឹងបញ្ហានេះដែរ អ្នក​ប្រឆាំង​នឹង​ការ​កែប្រែ​ច្បាប់​ថែទាំ​សុខភាព បានលើកទ្បើង​ថា ផែនការ​របស់​គណបក្ស​សាធារណរដ្ឋ​ អាច​នឹង​ប៉ះពាល់​ដល់​ពលរដ្ឋ​អាមេរិកក្រីក្រ​ជា​ច្រើន។

គួរបញ្ជាក់ដែរថា ច្បាប់​ថែទាំ​សុខភាព​ Obamacare ដ៏​ល្បីល្បាញ​ ដែលមាន​អាយុកាល​៧​ឆ្នាំ ​ត្រូវបាន​គេ​ស្គាល់​ថា ជាកេរតំណែល​របស់​​អតីត​ប្រធានាធិបតី​ លោកបារ៉ាក់ អូបាម៉ា៕