Post News Media ព័ត៌មានអន្តរជាតិ នៅស៊ីរីស្លាប់...

នៅស៊ីរីស្លាប់មនុស្សយ៉ាងតិច ៥៧នាក់ បន្ទាប់ពីការវាយប្រហារដែនអាកាស ដឹកនាំដោយសហរដ្ឋអាមេរិក

ចែកចាយបន្ត

ស៊ីរី: ក្រុមឃ្លាំមើលសិទ្ធិមនុស្សក្នុងប្រទេស បាននិយាយថា ការវាយឆ្មក់តាមអាកាស ដែលគេសង្ស័យថា ដឹកនាំដោយអាមេរិក ទៅលើគុកដែលគ្រប់គ្រង ដោយពួកសកម្មប្រយុទ្ធ ISIL នៅភាគខាងកើតប្រទេសស៊ីរី បានសម្លាប់មនុស្សយ៉ាងហោចណាស់ ៥៧ នាក់។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២៨ ខែមិថុនា ឆ្នាំ២០១៧។

ប្រភពដដែរបានឲ្យដឹងកាលពីថ្ងៃអង្គារថា ភាគច្រើននៃអ្នកស្លាប់ទាំងនោះ គឺជាអ្នកទោសស៊ីវិល នៅតំបន់ជនបទ អាល់ម៉ាយ៉ាដិន ក្នុងខេត្តឌៀរអាហ្ស័រ។

ក្រុមអ្នកឃ្លាំមើលមានមូលដ្ឋាន នៅចក្រភពអង់គ្លេស ដែលធ្វើការតាមដានការវិវត្តន៍នៃជម្លោះ ដ៏រ៉ាំរ៉ៃនៅក្នុងប្រទេសស៊ីរី តាមរយ:បណ្តាញទំនាក់ទំនងនៅលើដី បានរាយការណ៍ថា អ្នកប្រយុទ្ធពួក ISIL ចំនួន ១៥ នាក់ ក៏ត្រូវបានសម្លាប់ នៅក្នុងការវាយឆ្មក់នេះផងដែរ៕