Post News Media ព័ត៌មានអន្តរជាតិ លោកស្រី May រ...

លោកស្រី May រួចផុតពីការប្រមុខនៅសភាជាលើកដំបូង បន្ទាប់ពីការបោះឆ្នោតដ៏មហន្តរាយ

ចែកចាយបន្ត

អង់គ្លេស: រដ្ឋភិបាលរបស់នាយករដ្ឋមន្ត្រីលោកស្រី Theresa May នៅថ្ងៃពុធបានផ្ដួរការប្រឈមមុខ នៅសភាជាលើកដំបូងរបស់ខ្លួន ចាប់តាំងពីការបោះឆ្នោតដ៏មហន្តរាយ កាលពីដើមខែនេះ ដោយគណបក្សលោកស្រី មិនសូវទទួលបានប្រជាប្រិយភាពដូចមុនទ្បើយ។ ​នេះបើយោងតាមសារព័ត៌មាន Channel News Asia​ ចេញផ្សាយនៅថ្ងៃទី២៩ ខែមិថុនា ឆ្នាំ២០១៧។

វិសោធនកម្មមួយ ត្រូវបានបរាជ័យដោយសំទ្បេងគាំទ្រ ៣២៣ ទល់នឹង ៣០៩ សំទ្បេង ដែលឆ្លុះបញ្ចាំងពីទិដ្ឋភាពថ្មីមួយ នៅក្នុងសភាប្រទេសអង់គ្លេស នាបច្ចុប្បន្ន គឺគណបក្សអភិរក្សរបស់នាយករដ្ឋមន្ត្រី ត្រូវការការគាំទ្រពីគណបក្ស DUP បន្ទាប់ពីការបាត់បង់អាសន:ភាគច្រើនរបស់ពួកគេ នៅក្នុងការបោះឆ្នោតកន្លងទៅ។

គណបក្សអភិរក្ស បានរំពឹងថា នឹងបង្កើនសំឡេងភាគច្រើនរបស់ពួកគេ នៅក្នុងការបោះឆ្នោត ប៉ុន្តែមេដឹកនាំបក្សឆ្វេងនិយម លោក Jeremy Corby បានទាញយកប្រជាប្រិយភាពខ្លួនពីអ្នកបោះឆ្នោត ដោយការផ្តល់នូវការវិនិយោគលើវិស័យសាធារណ:។

គួរបញ្ជាក់ដែរថា ដោយសារសភាគណបក្សអភិរក្ស មានត្រឹមតែអាសន:ចំនួន ៣១៧ ប៉ុណ្ណោះ ក្នុងចំណោមអាសន:សភាសរុបចំនួន ៦៥០ ហេតុដូចនេះ បក្សអភិរក្សរបស់លោកស្រី May ត្រូវការការគាំទ្រពីសមាជិកសភាគណបក្ស DUP ១០ រូបបន្ថែមទៀត៕