Post News Media ព័ត៌មានអន្តរជាតិ តើអតីតប្រធានា...

តើអតីតប្រធានាធិបីកូរ៉េខាងត្បូង នឹងត្រូវកាត់ទោសប្រហារជីវិតឬយ៉ាងណា ខណ:…?

ចែកចាយបន្ត

កូរ៉េ: រដ្ឋាភិបាលក្រុងព្យុងយ៉ាង បានចេញបទបញ្ជាមួយ ដើម្បីស្នើឲ្យមានការកាត់ទោស ប្រហារជីវិតអតីតប្រធានាធិបតីកូរ៉េខាងត្បូង លោកស្រី Park Geun-hye និងប្រមុខចារកម្មរបស់លោកស្រី នូវអ្វីដែលកូរ៉េខាងជើង បានលើកទ្បើងថា អតីតមេដឹកនាំរូបនេះ ធ្លាប់មានផែនការ ដើម្បីធ្វើឃាតថ្នាក់ដឹកនាំរបស់ខ្លួន គឺលោក គីម ជុងអ៊ុន។ នេះបើយោងតាមសារព័ត៌មាន Alzajeera ចេញផ្សាយនៅថ្ងៃទី ២៩ ខែមិថុនា ឆ្នាំ២០១៧។

ទីភ្នាក់ងារព័ត៌មានមជ្ឈិមផ្លូវការ (KCNA) របស់កូរ៉េខាងជើង នៅថ្ងៃព្រហស្បតិ៍នេះ បានឲ្យដឹងថា តាមរយ:ភស្ដុតាង ជាច្រើន បានបង្ហាញយ៉ាងច្បាស់ថា លោកស្រី Park ជាអ្នករៀបចំផែនការ ដើម្បីផ្តួលរំលំរបបដឹកនាំរបស់កូរ៉េខាងជើង កាលពីឆ្នាំ២០១៥ ហេតុដូចនេះ កូរ៉េខាងត្បូង គួរតែកាត់ទោសប្រហារជីវិតលើជនក្បត់ដូចជា លោកស្រី Park Geun-hye និងប្រមុខចារកម្មរបស់លោកស្រី គឺលោក Lee Byung-ho ។

ប្រភព័ដដែរ បានបញ្ជាក់ថា «ពីពេលនេះតទៅ លោកស្រី Park និងប្រមុខចារកម្មរបស់លោកស្រី ពុំអាចគេចផុតពីសេចក្ដីសម្លាប់បានទ្បើយ មិនថាជាស្នាដៃនរណាក៏ដោយ គ្រប់ពេលវេលា គ្រប់មធ្យោបាយទាំងអស់»។

គួរបញ្ជាក់ដែរថា អតីតប្រធានាធិបតីកូរ៉េខាងត្បូង លោកស្រី Park Geun-hye ត្រូវបានគេទម្លាក់ចេញពីតំណែង និងកំពុងជាប់ឃុំក្នុងពន្ធនាគារ ដោយត្រូវប្រឈមមុខនឹងដំណើរការក្ដី ជុំវិញសំណុំរឿងពុករលួយ៕

ចែកចាយបន្ត