ចិនៈ មជ្ឈមណ្ឌលគ្រប់គ្រងជំងឺ នៅថ្ងៃអង្គារនេះ បានរាយការណ៍ថា អ្នកជំងឺម្នាក់ទៀតហើយ ដែលបានបង្កទ្បើង ដោយមេរោគ Zika នៅទីក្រុងប៉េកាំង ប្រទេសចិន។ នេះបើយោងតាមរយៈ សារព័ត៌មានចិនស៊ិនហួរ ចេញផ្សាយនៅថ្ងៃទី២៤ ខែឧសភា ឆ្នាំ២០១៦។

បុរសវ័យ ៣៥ ឆ្នាំម្នាក់ នៅស្រុក Fengtai ត្រូវបានបង្ហាញពីរោគសញ្ញា នៃវីរុសដំបូងនេះ ដែលមានអាការ កន្ទួលក្រហម និងក្តៅខ្លួន ក្នុងអំឡុងពេលហោះហើរត្រឡប់ មកពីប្រទេសបូលីវីវិញ កាលពីថ្ងៃសៅរ៍។

ក្រោយពីគាត់ត្រូវបានបញ្ជូនទៅកាន់មន្ទីរពេទ្យ និងធ្វើតេស្តវិជ្ជមាន សម្រាប់វីរុសនេះ ឃើញថា គាត់ពិតជាកំពុងស្ថិតនៅក្នុងស្ថានភាព ជំងឺនេះមែន៕