Post News Media ព័ត៌មានអន្តរជាតិ ផ្ទុះបំពង់បង្...

ផ្ទុះបំពង់បង្ហូរឧស្ម័ននៅចិន សម្លាប់មនុស្ស ០៥ នាក់ និង ៨៩ នាក់ទៀតរងរបួស

ចែកចាយបន្ត

ចិន: រដ្ឋាភិបាលក្នុងតំបន់ នៅថ្ងៃពុធនេះ បាននិយាយថា មនុស្សយ៉ាងតិច ០៥ នាក់បានស្លាប់ ខណ:ដែល ៨៩ នាក់ទៀត កំពុងរងរបួស នៅក្នុងករណីផ្ទុះបំពង់បង្ហូរឧស្ម័ន កាលពីថ្ងៃអង្គារ នៅទីក្រុងសុងយួន ភាគឦសានប្រទេសចិន។ នេះបើយោងតាមសារព័តមានចិនស៊ិនហួ ចេញផ្សាយនៅថ្ងៃទី០៥ ខែកក្កដា ឆ្នាំ២០១៧។

ហេតុការណ៍នេះ បានកើតឡើងនៅវេលាម៉ោងប្រហែល ២ និង ៤៥ នាទីរសៀលថ្ងៃអង្គារ នៅពេលដែលកម្មករ កំពុងជួសជុលផ្នែកមួយនៃបំពង់បង្ហូរឧស្ម័ន ដែលបានលេចធ្លាយ។

ក្នុងចំណោមអ្នករងរបួសទាំងអស់ គឺមានមនុស្ស ១៤ នាក់ កំពុងស្ថិតក្នុងស្ថានភាពធ្ងន់ធ្ងរ។

មកទល់ពេលនេះ ប្រតិបត្ដិការជួយសង្គ្រោះ កំពុងដំណើរការ ហើយមូលហេតុនៃគ្រោះថ្នាក់នេះ ក៏កំពុងត្រូវប៉ូលិលបើកការស៊ើបអង្កេតផងដែរ៕