Post News Media ព័ត៌មានអន្តរជាតិ រឿងបាញ់មីស៊ីល...

រឿងបាញ់មីស៊ីលកូរ៉េខាងជើង អាមេរិកនឹងប្រើកម្លាំងយោធា ប្រសិនចាំបាច់

ចែកចាយបន្ត

អាមេរិក: រដ្ឋាភិបាលក្រុងវ៉ាស៊ីនតោន បាននិយាយថា ខ្លួននឹងពិចារណាប្រើប្រាស់កម្លាំងយោធា នៅក្នុងលក្ខខណ្ឌចាំបាច់ ដែលមិនអាចជៀសបាន ជាមួយប្រទេសកូរ៉េខាងជើង។ នេះបើយោងតាមសារព័ត៌មាន BBC ចេញផ្សាយនៅថ្ងៃទី០៦ ខែកក្កដា ឆ្នាំ២០១៧។

ទាក់ទងទៅនឹងបញ្ហាធ្វើតេស្តគ្រាប់មីស៊ីលថ្មីៗនេះ ពីសំណាក់កូរ៉េខាងជើង ឯកអគ្គរដ្ឋទូតអាមេរិកលោកស្រី Nikki Haley ប្រចាំនៅអង្គការសហប្រជាជាតិ បាននិយាយថា «អាមេរិកនឹងដាក់ចេញនូវដំណោះស្រាយថ្មីមួយ ដើម្បីប្រឆាំងនឹងក្រុងព្យុងយ៉ាង»។

ក្នុងនោះលោកស្រី ថែមទាំងបានគំរាមគំហែងដោយការរឹតបន្តឹងពាណិជ្ជកម្ម ជាមួយនឹងរបបមួយនេះទៀតផង។

គួរបញ្ជាក់ដែរថា ការបាញ់មីស៊ីលផ្លោងអន្តរទ្វីប (ICBM) ថ្មីៗនេះ នៅក្នុងការធ្វើតេស្តជាបន្តបន្ទាប់របស់ក្រុងព្យុងយ៉ាង គឺបានប្រឆាំងទៅនឹងការហាមឃាត់របស់ក្រុមប្រឹក្សាសន្តិសុខអង្គការសហប្រជាជាតិ៕