Post News Media ព័ត៌មានអន្តរជាតិ First News៖ ស...

First News៖ ស្លាប់ទាហាន ១០នាក់ និង ២០​នាក់ទៀតរងរបួស ក្នុងការវាយប្រហារមួយ នៅអេហ្ស៊ីប

ចែកចាយបន្ត

អេហ្ស៊ីប: ប្រភពពីមន្ត្រីសន្តិសុខ នៅមុននេះបន្តិច បានឲ្យដឹងថា ទាហានអេហ្ស៊ីប ១០ នាក់ ត្រូវបានសម្លាប់ ខណ:ដែល ២០ នាក់ទៀតរងរបួស នៅក្នុងហេតុការណ៍បំផ្ទុះគ្រាប់បែកអត្តឃាត និងបាញ់ប្រហារ នៅឯប៉ុស្តិ៍ត្រួតពិនិត្យ ក្នុងទីក្រុង Rafah ភាគខាងជើងតំបន់ឧបទ្វីបស៊ីណាយ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី០៧ ខែកក្កដា ឆ្នាំ២០១៧។

ប្រភពដដែរបានឲ្យដឹងថា រថយន្តពីរគ្រឿង ត្រូវបានបំផ្ទុះខណ:កំពុងឆ្លងកាត់ច្រក នៅតំបន់មួយរវាងទីក្រុង Rafah និង Sheikh Zuweid នៅថ្ងៃសុក្រនេះ។

ពាក់ព័ន្ធនឹងការវាយប្រហារនេះដែរ ពុំទាន់មានក្រុមណាមួយអះអាងទទួលខុសត្រូវនៅទ្បើយទេ។

គួរបញ្ជាក់ដែរថា ប្រទេសអេហ្ស៊ីបប្រឈមនឹងការបះបោរ ដែលដឹកនាំដោយរដ្ឋអ៊ីស្លាមអ៊ីរ៉ាក់ និងក្រុមភេរវករ Levant នៅតំបន់ខាងជើងឧបទ្វីបស៊ីណាយជាញឹកញាប់ ដែលទាហាន និងប៉ូលិសរាប់រយនាក់ ត្រូវបានសម្លាប់៕