Post News Media ព័ត៌មានអន្តរជាតិ សង្គ្រាមអាចនឹ...

សង្គ្រាមអាចនឹងផ្ទុះទ្បើង ខណ:យោធាជាជម្រើសចុងបង្អស់របស់អាមេរិក ដើម្បីប្រឈមមុខជាមួយកូរ៉េខាងជើង

ចែកចាយបន្ត

អាមេរិក: ប្រធានាធិបតីលោក ដូណាល់ ត្រាំ បាននិយាយថា មានរឿងដ៏ធ្ងន់ធ្ងរបំផុត ដែលអាមេរិកកំពុងពិចារណា ទាក់ទងនឹងការបាញ់មីស៊ីលផ្លោងអន្តរទ្វីបរបស់កូរ៉េខាងជើង យ៉ាងណាមិញលោក ក៏បានបញ្ជាក់ដែរថា ជម្រើសយោធា គឺប្រហែលជានឹងធ្វើចុងក្រោយគេបង្អស់ ដោយលោកយល់ឃើញថា សកម្មភាពយោធា អាចបង្កឲ្យមានសង្រ្គាមទាំងស្រុង ជាមួយកូរ៉េខាងជើង។ នេះបើយោងតាមសារព័ត៌មាន ABC News ចេញផ្សាយនៅថ្ងៃទី០៩ ខែកក្កដា ឆ្នាំ២០១៧។

រដ្ឋមន្ត្រីការពារជាតិអាមេរិក លោក Jim Mattis បានសង្កត់ធ្ងន់ទៅកាន់អ្នកសារព័ត៌មាន កាលពីថ្ងៃព្រហស្បតិ៍ថា រដ្ឋបាលនេះ នឹងផ្តោតលើការខំប្រឹងប្រែងដាក់ទណ្ឌកម្មសេដ្ឋកិច្ច និងការទូតបន្ថែមទៀត ដើម្បីដោះស្រាយជាមួយការបាញ់សាកល្បងមីស៊ីលផ្លោងអន្តរទ្វីប (ICBM) របស់កូរ៉េខាងជើង។

ក្នុងនោះលោក Mattis បានបន្ថែមទៀតថា « តាមរយ:សមត្ថភាពមីស៊ីលថ្មីរបស់កូរ៉េខាងជើង នាំឲ្យយើងខិតចូលកាន់តែជិតដំណាក់កាលសង្រ្គាមផងដែរ»។

ដោយលោក បានបញ្ជាក់ថា ខណ:ដែលកិច្ចខិតខំប្រឹងប្រែង ផ្នែកការទូតដើម្បីទប់ស្កាត់កម្មវិធីមីស៊ីលលើទីក្រុងព្យុងយ៉ាង មកទល់នឹងពេលនេះ បានបង្ហាញថា មិនទទួលបានជោគជ័យនោះទេ៕