Post News Media ព័ត៌មានអន្តរជាតិ កូរ៉េខាងជើង៖ ...

កូរ៉េខាងជើង៖ ការធ្វើសមយុទ្ធយន្តហោះទម្លាក់គ្រាប់បែកអាមេរិក ជាចំណុចចាប់ផ្ដើមនៃសង្គ្រាមនុយក្លេអ៊ែរ

ចែកចាយបន្ត

កូរ៉េ: រដ្ឋាភិបាលកូរ៉េខាងជើង កាលពីថ្ងៃអាទិត្យ បានរិះគន់ទៅលើការធ្វើសមយុទ្ធ បាញ់គ្រាប់ពិតដោយអាមេរិក និងកូរ៉េខាងត្បូង បានធ្វើទ្បើងក្នុងគោលបំណងបង្ហាញពីកម្លាំងប្រឆាំងមួយ ទៅនឹងទីក្រុងព្យុងយ៉ាង ខណ:កូរ៉េខាងជើង បានចោទប្រកាន់ក្រុងវ៉ាស៊ីនតោនថា កំពុងជំរុញឲ្យឧបទ្វីបនេះ ឈានដល់ចំណុចចាប់ផ្តើមនៃសង្គ្រាមនុយក្លេអ៊ែរ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១០ ខែកក្កដា ឆ្នាំ២០១៧។

ការប្រារព្ធខួបសមយុទ្ធអាកាស ជាមួយគ្នាដ៏កម្ររវាងប្រទេសសម្ព័ន្ធមិត្តអាមេរិក និងកូរ៉េខាងត្បូង បានធ្វើទ្បើងចំពេលមានភាពតានតឹងកើនឡើង នៅលើឧបទ្វីបកូរ៉េ បន្ទាប់ពីការធ្វើតេស្តមីស៊ីលផ្លោងអន្តរទ្វីប (ICBM) ជាថ្មីរបស់កូរ៉េខាង ជើងកាលពីថ្ងៃអង្គារសប្តាហ៍មុន។

តេស្តនេះ បានធ្វើឲ្យមានការភ្ញាក់ផ្អើលជាសកល ដោយសារតែកូរ៉េខាងជើង បានអះអាងថា មីស៊ីលផ្លោងអន្តរទ្វីប (ICBM) របស់ខ្លួនមានលទ្ធភាព អាចវាយប្រហារដល់រដ្ឋអាឡាស្ការបស់សហរដ្ឋអាមេរិក ដែលជាព្រឹត្តិការណ៍សំខាន់មួយ សម្រាប់រដ្ឋប្រដាប់អាវុធនុយក្លេអ៊ែរមួយនេះ។

គួរបញ្ជាក់ដែរថា សមយុទ្ធកាលពីថ្ងៃសៅរ៍ គឺបានធ្វើឡើងដើម្បីឆ្លើយតបយ៉ាងម៉ឺងម៉ាត់ ទៅនឹងការបាញ់មីស៊ីលពីសំណាក់កូរ៉េខាងជើង ដោយយន្តហោះទម្លាក់គ្រាប់បែកអាមេរិកពីរគ្រឿង បានវាយបំផ្លាញថ្មមីស៊ីលជាច្រើន ចំណែកឯយន្តហោះចម្បាំងកូរ៉េខាងត្បូងវិញ បានធ្វើការវាយប្រហារប្រឆាំងនឹងទីតាំងបញ្ជាការក្រោមដី៕