Post News Media ព័ត៌មានអន្តរជាតិ អាមេរិក ធ្វើត...

អាមេរិក ធ្វើតេស្តសាកល្បងជោគជ័យលើប្រព័ន្ធស្ទាក់ចាប់គ្រាប់មីស៊ីល ចំពេលមានភាពតានតឹងជាមួយកូរ៉េខាងជើង

ចែកចាយបន្ត

យោធាអាមេរិក បានធ្វើការសាកល្បងប្រព័ន្ធស្ទាក់ចាប់កាំជ្រួចមីស៊ីល ដោយជោគជ័យ ចំពេលដែលមានភាពតានតឹងកើនឡើង បន្ទាប់ពីកូរ៉េខាងជើង បានបាញ់មីស៊ីលផ្លោងអន្តរទ្វីប ដែលមានសក្តានុពល អាចហោះទៅដល់រដ្ឋអាឡាស្ការបស់អាមេរិក។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១២ ខែកក្កដា ឆ្នាំ២០១៧។

ប្រព័ន្ធការពារមីស៊ីល THAAD នេះ បានស្ទាក់ចាប់មីស៊ីលមួយគ្រាប់ ដែលបាញ់ចេញទៅដែនអាកាស ដោយកងទ័ពអាកាសអាមេរិក Air Force C-17 នៅលើតំបន់មហាសមុទ្រប៉ាស៊ីហ្វិក ភាគខាងជើងកោះហាវ៉ៃ។

មន្ត្រីយោធាអាមេរិកម្នាក់ បាននិយាយនៅក្នុងសេចក្តីថ្លែងការណ៍មួយថា ប្រព័ន្ធការពារមីស៊ីលនេះ ត្រូវបានដំទ្បើងនៅតំបន់ Kodiak ក្នុងរដ្ឋអាឡាស្កា សម្រាប់តាមដាន និងស្ទាក់ចាប់គ្រាប់មីស៊ីតាមគោលដៅ។

គួរបញ្ជាក់ដែរថា THAAD ត្រូវបានរចនាឡើង ដើម្បីរារាំង និងបំផ្លាញមីស៊ីលផ្លោងអន្តរទ្វីបរយ:ចម្ងាយខ្លី និងកម្រិតមធ្យម ក្នុងអំទ្បុងពេលដែលមីស៊ីល ត្រូវបានគេបាញ់ចេញ ហើយវាហោះហើរទៅកាន់គោលដៅណាមួយ៕