Post News Media ព័ត៌មានអន្តរជាតិ លោក ត្រាំ មិន...

លោក ត្រាំ មិនបានដឹងអំពីកិច្ចប្រជុំកូនប្រុសខ្លួន ជាមួយនឹងរុស្ស៊ីនោះទេ

ចែកចាយបន្ត

អាមេរិក: កូនប្រុសរបស់លោកប្រធានាធិបតីអាមេរិក ដូណាល់ ត្រាំ បាននិយាយថា លោកមិនបានប្រាប់ឪពុកខ្លួន អំពីកិច្ចប្រជុំជាមួយមេធាវីរុស្ស៊ីម្នាក់ ដែលនាងបានសន្យាថា នឹងអាចជួយដល់យុទ្ធនាការ បោះឆ្នោតរបស់លោកនោះទេ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី១២ ខែកក្កដា ឆ្នាំ២០១៧។

លោក ដូណាល់ ត្រាំ ជេ អ បានប្រាប់ព័ត៌មាន Fox News ថា ជំនួបនោះគឺ «គ្មាន​ព័ត៌មាន​លម្អិត​ ឬ​ព័ត៌មាន​បន្ថែម​អ្វី​ដែល​ត្រូវ​បាន​ផ្តល់​ឲ្យនោះ​ទេ‍»។

ដោយលោកបានបញ្ចេញសារអេឡិចត្រូនិច ដែលបង្ហាញថា ខ្លួនបានស្វាគមន៍ជួប និងមេធាវីរុស្ស៊ី គឺលោកស្រី Natalia Veselnitskay ដែលត្រូវបានគេចោទប្រកាន់ថា មានជាប់ពាក់ព័ន្ធនឹងវិមានក្រឹមឡាំង ជាមួយការផ្តល់ជូនព័ត៌មាន​មិន​ល្អ​ធ្វើ​ឲ្យ​ប៉ះពាល់​ដល់កិត្យានុភាព​របស់​លោកស្រី ​គ្លីនតុន ដើម្បី​ជួយ​លោក​ត្រាំ​ ផ្តួល​គូប្រជែងរបស់ខ្លួន។

បច្ចុប្បន្នមន្ត្រីអាមេរិក កំពុងធ្វើការស៊ើបអង្កេតលើបទចោទប្រកាន់រុស្ស៊ី នៅក្នុងការបោះឆ្នោតប្រធានាធិបតីអាមេរិក កាលពីឆ្នាំមុន ចាប់តាំងពីលោក ត្រាំ បានជាប់ឆ្នោតក្លាយជាប្រធានាធិបតីថ្មីរបស់អាមេរិក។

ពាក់ព័ន្ធនឹងបញ្ហនេះដែរ មិនត្រឹមតែត្រូវបានលោក ត្រាំ ធ្វើការច្រានចោលនោះទេ សូម្បីតែប្រទេសរុស្ស៊ីវិញ ក៏បានបដិសេធម្តងហើយម្តងទៀតថា ខ្លួនពិតជាមិនបានលួចជ្រៀតជ្រែកចូលការបោះឆ្នោតអាមេរិកនោះទេ។

នៅអំទ្បុងពេលភ្នាក់ងារព័ត៌មាន Fox News លោក Sean Hannity សួរកូនប្រុសលោក ត្រាំ ថា « តើលោកមានបានប្រាប់ឪពុករបស់លោក អំពីកិច្ចប្រជុំ កាលពីឆ្នាំមុនទេ?» លោក ត្រាំ ជេ អ បានឆ្លើយថា « ទេ វាគ្មានអ្វីទាល់តែសោះ ហេតុដូចនេះ ក៏មិនចាំបាច់ប្រាប់គាត់ដែរ»។

គួរបញ្ជាក់ដែរថា លោក ដូណាល់ ត្រាំ ជេ អ និងបងថ្លៃរបស់ខ្លួន លោក Jared Kushner ព្រមទាំងប្រធានយុទ្ធនាការ លោក Paul Manafort បានជួបជាមួយមេធាវីរុស្ស៊ី លោកស្រី Natalia Veselnitskaya នៅឯអគារ Trump Tower ក្នុងទីក្រុងញូវយ៉ក កាលពីខែមិថុនា ឆ្នាំ ២០១៦៕