Post News Media ព័ត៌មានអន្តរជាតិ បាក់រលំផ្លូវហ...

បាក់រលំផ្លូវហាយវ៉េ មិនទាន់សាងសង់រួចនៅសិង្ហបុរី ស្លាប់មនុស្សម្នាក់ និងរបួស ១០នាក់

ចែកចាយបន្ត

សិង្ហបុរី: នៅថ្ងៃសុក្រនេះ កម្មករម្នាក់បានស្លាប់ និង ១០ នាក់ទៀតរងរបួស បន្ទាប់ពីរចនាសម្ព័ន្ធផ្លូវហាយវ៉េ បានរលំបាក់នៅតាមបណ្តោយផ្លូវ Upper Changi Road East ក្នុងតំបន់ Bedok ប្រទេសសិង្ហបុរី ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៤ ខែកក្កដា ឆ្នាំ២០១៧។

នៅក្នុងសេចក្តីថ្លែងការណ៍មួយ នៅថ្ងៃសុក្រនេះ ដោយកងទ័ពការពារ​ប្រជាជនស៊ីវិល​សិង្ហបុរី (SCDF) បាននិយាយថា ឧបទ្ទវហេតុនេះ គឺជាប់ទាក់ទងទៅនឹងរចនាសម្ព័ន្ធផ្លូវ មិនទាន់បញ្ចប់ការសាងសង់រួច ទើបបណ្តាលឲ្យមានការដួលរលំ បែបនេះ ដែលវាបានកើតទ្បើងនៅវេលាម៉ោងប្រហែល ៣ និង៣៥ នាទីទៀបភ្លឺ។

ក្នុងនោះ SCDF ក៏បានបញ្ជាក់ផងដែរថា មន្ត្រីចំនួន ៦០នាក់ បានចូលរួមនៅក្នុងប្រតិបត្តិការសង្គ្រោះ ហើយក្នុងចំណោមអ្នកស្លាប់ និងរបួស គឺមានកម្មករម្នាក់ ត្រូវបានគេប្រកាសថាស្លាប់នៅនឹងកន្លែង ខណ:ដែល ១០ នាក់ផ្សេងទៀត ត្រូវបានបញ្ជូនទៅមន្ទីរពេទ្យ Changi General ៕