Post News Media ព័ត៌មានអន្តរជាតិ ព្យុះភ្លៀងនៅច...

ព្យុះភ្លៀងនៅចិន ស្លាប់ និងបាត់ខ្លួនជាច្រើននាក់ ខណ:មនុស្សជិត ៣២០.០០០នាក់ទៀត កំពុងរងផលប៉ះពាល់

ចែកចាយបន្ត

ចិន: អាជ្ញាធរមូលដ្ឋាន នៅថ្ងៃសៅរ៍នេះ បាននិយាថា មនុស្ស ០៨នាក់បានស្លាប់ និងម្នាក់ទៀតបាត់ខ្លួន ខណ:មនុស្សជិត ៣២០ ពាន់នាក់ បានទទួលរងផលប៉ះពាល់ ដោយសារព្យុះភ្លៀង នៅខេត្តជីលីន ភាគឦសានប្រទេសចិន។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១៥ ខែកក្កដា ឆ្នាំ២០១៧។

ប្រភពពីអាជ្ញាធរគ្រប់គ្រងគ្រោះទឹកជំនន់ខេត្ត បានឲ្យដឹងថា ភ្លៀងធ្លាក់យ៉ាងខ្លាំង នៅភាគកណ្តាល និងខាងកើតខេត្តជីលីន កាលពីថ្ងៃព្រហស្បតិ៍ រហូតដល់ថ្ងៃសុក្រ បានបង្ខំឲ្យមនុស្សជាច្រើនពាន់នាក់ ធ្វើការផ្លាស់ប្តូរទីលំរបស់ពួកគេ។

សូមជំរាបថា ព្យុះភ្លៀងប៉ុន្មានថ្ងៃជាប់ៗគ្នានេះ នៅតំបន់ចំនួន ១៣ ក្នុងប្រទេស បានបំផ្លាញផ្ទះសម្បែង ផ្លូវថ្នល់ ស្ពាន និងទំនប់ជាច្រើនកន្លែង៕